Off Topic

Цензурата штотуку почнува, само сега ја викаат слобода

Зад нас е една деценија демонизирање на поранешниот претседател како лудак, монструм, Аца Шиптар и Аца педер, диктатор и шеф на мафијата кој нема мирно да ја предаде власта на изборите. Како сега со тоа да се прекине тукутака, преку ноќ? Не памтам вакво сладострастие во понижувањето на другите. Не памтам ни вакво отсуство на срам од најниските побуди.

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

71-ви Златни глобуси во 90 секунди

Сите моменти што може да ве интересираат од годинешните Златни Глобуси собрани во видео од минута и пол. Видеото нема да биде многу информативно на тема што се случи вчера на Златните глобуси.

Ќе фрламе HDMI кабли

Данска компанија си даде фора да собере од луѓе 160.000 долари за да го спакува својот проект за безжичен HDMI (за поврзување на компјутерот со ТВ, проектор или друг дисплеј). Во моментов имаат уште цела една недела на Indiegogo а веќе имаат собрано речиси 700.000 долари. 

За имиграцијата и хистеријата околу неа

Поента - имигрантите не ни го знаат јазикот, мрзливи се, крадат и ни ги зафаќаат нашите работни места. Контра поента - ако некој што не го зборува јазикот и е мрзлив може да ти го земе работното место, тогаш сериозно запрашај се колку вредиш. (Видеото има најмногу ефект за луѓето што го читаат офф.нет.мк надвор од МКД.)

Дерик Колман, глувиот НФЛ играч

На НФЛ драфтот 2012-та, Дерик Колман не беше избра од ниту еден тим. Годинава тој игра за Сиетл Сихокс, ова е неговата порака.

Одело од 35 фунти, глас од 1 милион фунти

Пол Потс е дечкото што многу, многу, многу, многу одамна (во 2007-ма) ве извади од памет со својот настап на Британскиот Талент. Сега снимен е филм за неговиот живот. Ова е трејлерот.

CK One

Комбинација на два бренда, едниот дебел и ќелав, другиот крајно елегентен. Louie со C.K.

Жената со оргазам од 3 часа

Приказната е дека девојкава имала оргазам кој траел неколку часа и заради тоа морала да оди на доктор. Видеото треба да го гледате заради дечко ѝ (кој најверојатно го предизвикал оргазмот) кој седи до неа додека оваа раскажува и се обидува да не биде горд на тоа што го направил. Плус, за да ја видите репризата на целиот настан.

Визит картата на Кинезот што сака да го купи Њујорк Тајмс

И не само што сака туку има и пари за тоа. Се наоѓа на листата на 400 најбогати Кинези и се проценува дека вреди околу 720 милиони долари.

Сите мажи од вашиот фитнес клуб

Тука се, ќе го најдете речиси секој што го среќавате на фитнес. Единствена забелешка што ги немаат: типот "ќе вежбам во дрес од полиестер," типот "во старата теретана кревав повеќе" и типот "дезодоранс?"

Животот станува само полош ако не го смените кабелскиот

На секоја катастрофална одлука и претходи вашето разочарување за тоа што претходно сте донеле друга погрешна одлука, за на крај да завршите како локален рибар сред недојдија.

Седенка со боговите на комедијата

Луи ЦК, Рики Џервејс, Крис Рок и Сајнфилд, седнати сред дневна (студио) и разглабаат еснафски работи, општо за комедијата - како да работиш, што очекува публиката, што е смешно, што треба да кажат.

Како да не пукнете од јадење

Во едно од најзадоцнетите видеа што некогаш сме ги објавиле, имаме упатство со 10 фори како да не се прејадете. Во наша одбрана тоа што завршија празниците не значи и дека никогаш веќе нема да се прејадете.

За ваша информација, филмска верзија

Некои од најчесто повторуваните филмски / тв реплики, кои најчесто погрешно се повторуваат. Некаде почнало грешно и така останува. Да пробаме да ја исправиме работата.

Уште една за мајките

Затоа што им е јасно дека уште ја памтите "Една е мајка" рекламата за Олимпијадата во Лондон 2012-та, Проктер и Гембл не ги заборавија мајките ниту за Сочи 2014-та. Без разлика што ќе ви се случи до крајот на видеото, немајте гајле подеднакво сте мажи како и на почетокот.

Во војска

Општата дефиниција за војска (регуларна) е дека станува збор за професионалци обучени за ракување со смртоносно оружје. Овие што ги имаме на видеото ја немаат прочитано дефиницијата.

Реклама што ќе фати од прва

За една реклама трајно да те престраши не мора да има само ужасии и крвишта, некогаш и погоден дијалог ќе заврши добра работа. Видеото е дел од кампањата во Нов Зеланд против пребрзо возење.

Славните со самите себе

Еден до друг денешната ѕвезда и човекот од кој таа еволуирала. Нормално дека Мајли е прва, ама Метју Луис (од Хари Потер) е човекот што има да ви ја крене самодовербата до облаци.

Филмови што најмногу разочараа минатата година

Не е работата дека филмовите се лоши (некои се и добри) или дека не ги бивало, туку главниот проблем им е што од нив се очекуваше многу повеќе. Еве кој разочара и по која основа.

Вајн видеа на 2013.

Вајн е онаа апликацијата кај што го има БетДед, ама освен него апликацијата има уште над 40 милиони корисници. Некои од нив се фантастични. Ова е компилација од најдобрите нивни видеа.

Памучно нежен одговор

"Знам дека гласот во твојата глава ти вика дека можеш. Ама гласот те лаже. Во тебе постои и друг глас, а ако тој не постои внатре, тогаш постои надвор и ти вика: Shut the fuck up!" Мала лекција од Расел Бренд како се справува човек на сцена со копито кое решило да прекине нечиј настап. Со фин совет за следниот пат.

Жан Мууу Пикар

Капетан на Ентерпраjз и интергалактички цар. Сер Патрик Стјуарт е толку кул човек што може да си дозволи на слушателите на еден подкаст да им ги открива тајните на различните кравји мукања.

Најстеди кем

Последниот крик од палетата скапи и ефикасни стабилизатори на камери. MōVI, произведен од Фрифлај, жироскоп со три оски, не мрда.

Во кој дел од телото е сместена љубовта

Истражувачка екипа од Финска го мапирала човечкото тело според тоа која емоција во кој дел од телото најмногу се чувствува. Пеперутките не летаат само во стомакот.

Во ритамот на срцето

Дин Зимер е најдобриот пример дека се свири исклучиво од - срце. Како инаку ќе го објасните фактот дека човекот боледува од една ретка болест на коските (артрогрипоза) поради која практично не може да ги движи зглобовите а истовремено е фасцинантен тапанар со уникатен стил.