Off Topic

Цензурата штотуку почнува, само сега ја викаат слобода

Зад нас е една деценија демонизирање на поранешниот претседател како лудак, монструм, Аца Шиптар и Аца педер, диктатор и шеф на мафијата кој нема мирно да ја предаде власта на изборите. Како сега со тоа да се прекине тукутака, преку ноќ? Не памтам вакво сладострастие во понижувањето на другите. Не памтам ни вакво отсуство на срам од најниските побуди.

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Модрици (секој со свои)

Она збори за љубов, он се тепа за фудбал, двајцата се дел од видеото за годинешниот натпревар во Калчо Сторико, оригиналната крвава верзија на фудбал, која се уште се игра во Фиренца секоја година во 3-та седмица од јуни.

Од другите меридијани

Т-боун стек од 3,5 килограми, купен топтан, подготвен топтан, цело парче, не на делови. За дедовците и бабите меѓу нас, 4,97 долари килограм (околу 270 денари) "со коска". Парчето на скара, а на друго место компир, печурки и аспарагус. Ништо екстравагантно, чисто аматерско "фуд порно".

Преплашеноста од политичката коректност

Моментално натпреварот е како да бидеш понавреден, а во исто време и почувствителен на што и да ти кажат или што и да се чувства околу тебе, без притоа задолжително да разбираш за што и како си навреден или се случува.

ИСИС од вашето маало

Извештаите и видеата ја покажуваат немилосрдната решителност на ИСИС да покори и заколе се што им е на дофат на рака. Сепак ништо од ова не ја добиваше и повеќе од заслужената грижа затоа што се случуваше таму некаде далеку, во песокот. Сега се појавија првите снимки од нивни подготовки во урбана средина која не е под нивна контрола. Веќе не е така сеедно.

Како се калеше стекот

Тоа што човекот го вика Франкенстек, во основа е големо парче говедско месо (по површина) на кое со лепак за месо, Transglutaminase, му се залепени помали парчиња месо (нешто како да споиш ражнич со вешалица и да го продаваш како бифтек). Идејата на видеото не е да се промовира лепакот, туку да се покаже една од опциите како се добиваат евтини порции стек.

Џон Оливер прозван за ФИФА

Прозван не по основа црна кампања, инсинуации или каков бил не фер-плеј во извештаите за организацијата, туку по основа на ветувањето што го даде во случај Блатер да поднесе оставка. Ова второво се случи, сега редот е на Оливер.

Победувањето во Втората светска војна

Едно од најмрачните видеа за Втората светска војна, базирано чисто на статистики и бројки, без да видите ниту капка крв. Крајна бројка за војната за цел свет - 70 милиони луѓе. Еве како е стигнато до таа бројка.

Сè е ремикс

Ремикс - комбинирање или монтирање постојни материјали за да се создаде нешто ново. Не се работи за крадење, се работи за влијание. Не се работи за музика, се работи за сè.

Не се сите херои цртани

Ниту пак имаат супермоќи, ниту пак некој ги знае, ниту бараат некој да им аплаудира, а најмалку од сè се луѓе. Тоа не го намалува бројот на човечки животи што ги спасиле. Од нивна гледна точка, тие не ни имаат претстава дека се херои, само знаат дека имаат некоја работа што треба да ја завршат за да добијат банана.

Плашење на стариот

Секогаш истата финта, секогаш истата реакција. Бар за еден од нив двајца, ова е совршен соживот.

Музика на ангро

Ако не ја знаете оваа бесплатна разница на концерти во живо, време е. Преку 140.000 причини за слушање или даунлодирање.

Го викале Елоквентнио

Збирка од моменти во кои Џон Стујарт го покажува врвот на својата речитост, собрани од целиот негов мандат за време на владеење со Дејли шоу.

Политика

Едниот е премиер на Австралија, другиот е главен на опозицијата, а тој што е различен е новинар.
- Се боревме и успеавме да се вратиме со рејтинзи и сега сме на ниво со опозицијата.
- А како би ја опишал опозицијата?
- Како комплетен распад, со докажано минато на некомпетентност, и за тоа не се влада.
- Извини, чекај малку, се боревте за да бидете на исто ниво со некомпетентен распад?

Битката за аеродромскиот Прајд рок

Од очајот на откажаниот авионски лет, сред чекалиштето кое немилосрдно го забавува секој следен момент, се издига дуел на два тешкаши - екипата на бродвејската претстава Кралот Лав, наспроти екипата од бродвејската претстава Аладин. Па каже...

Загарот од твојот мобилен

Тоа што Сири и Гугл Нау сакаа да го постигнат, го постигнува видеово. "Видеово" затоа што ова е прво појавување на концептот, изгледа премногу добро за да е вистина и делумно од љубомора што не можеме да го пробаме. Апликацијата се вика Хаунд (Hound) и автор е компанијата зад СаундХаунд. Функционира исто како колегата од карши, што цел ден го дрвите со секакви прашања, а она па запнал да ви одговара.

Постара и поубава "Brown sugar"

Тоа што не можеа милошевиќевите лудаци со Дубровник (да го разурнат со бомбардирање за да го изградат постар и поубав), можат Стоунси со себе и своите хитови. Како загревање за реизданието на албумот Sticky Fingers, пуштија до сега необјавена верзија на Brown Sugar, снимена на роденденска журка кај Кит Ричардс во 1970-та година, со поразиграни пратечки вокали и  - Ерик Клептон на гитара.

Во лов на преваранти што мислат дека се аудиофили

Цела индустрија се базира на манијата на одредени луѓе дека "градењето на сараундот," потребата од златни кабли и џекови, спајкови на држачите и слични перверзии ќе доведат од вадење на совршен звук од нивната опрема. Цел ЈуТјуб се базира на тоа дека годишно имаат 85 милијарди преслушувања на песни од луѓе на кои не им е гајле за квалитетот на музиката. На повеќе имаш 6 исечоци од песни во 3 различни квалитети. Треба да погодиш кој е највисок квалитет.

Шепкачот на осила

Клучен прв чекор во отстранување на какво било осило е да се замае колонијата и осите да бидат што е можно помрзоволни. Потоа ја чистиш слој по слој. Единствен отпор има кога ќе дојде ред да ја собереш матицата. Важно е ништо од ова да не правиш сам, туку да најдеш луѓе што знаат што прават. Во конкретниов случај мајсторот е од село во Западен Бенгал.

Токио рика

Едни што го изгледаа клипот се фатија за тоа колку е добро снимено видеото, па уште подобро и монтирано. Другите го форсираа текстот, затоа што те тера да се вдлабочиш во видеото и му дава логика. Аргументот на третите беше - вие глуви сте? Инаку, комплетот е разгледница за многуте ликови на Токио.

Карл Пилкингтон против светот

Излишноста на битисувањето и она што ние мислиме дека е живот, што е реалност, а што не е, алиенација на младите од општеството, институции и правила неподготвени за утре, се само дел од проблемите кои Карл одамна ги има совладано, за денес да се справува морални и филозофски дилеми на сосема друго ниво, кои директно задираат во маките на обичниот човек.

Најкомплицираната граница во Еврoпа

Белгија во кој било дел од последниве 25 години да ги имаше нашите соседи и нашето место, до сега ќе беше распадната, прежалена и заборавена. За нејзина среќа, се наоѓа кај што се наоѓа, и има разбрани соседи како Холандија, Франција и Германија, па може да си дозволи да се однесува како Белгија.

Џон Оливер: ФИФА 2

Не работата "ви реков," ама Џон Оливер многу аргументирано ја збореше ФИФА и криминалите околу неа уште ланското лето. Ова е апдејтот по минатонеделното апсење на функционерите.

Адвокатот на Гркот

Германците имаат многу што да забележат на видеово (инаку Германско, на ЗДФ, за грчкото барање за репарации од Втората светска војна), ние имаме далеку повеќе што да забележиме кога Грци зборуваат за жртвата на деца протерани од својот дом. Ама и првото и второто не го олеснуваат страдањето што третите го минале.