Во Холандија, луѓето си наоѓале занимација со физичка активност на ветровито време во последниве сто години. Денес, оваа пракса се вика оутвајен и кај нас има совршен превод - да се издуваш. Кејтлин Мејер, предавач на катедрата за холандска лингвистика на Амстердамскиот универзитет објаснува: „Во основа се работи за поминување време на ветер, обично со пешачење или возење велосипед.“ Мејер живее во Холандија повеќе од 20 години и е специјалист за јазикот и покрај тоа што не е роден говорител. Таа вели дека оутвајен е популарно каде што живее таа и се верува дека позитивно влијае на психата. „Оутвајен е нешто што го правиш за да си го прочистиш умот и да се освежиш - надвор оди лошиот воздух, а влегува добриот. Се смета за пријатно, лесно и опуштачко искуство - еден начин да го намалиш стресот од секојдневието.“
Сè повеќе докази укажуваат на тоа дека холанѓаните имаат нешто убодено - Џулс Прити, професор по екологија и општество на универзитетот во Есекс, во последниве 15 години истражува на кои сè начини активностите на отворено влијаат на човечката психологија и вели дека се подобрува психичката состојба со само пет минути во природа. Си вредиш повеќе, порасположен си и ти се засилува чувството на идентитет. И многу други истражувачи имаат стигнато до сличен резултат - јапонски научници на пример, дознаваат дека фитонцидите, антибактериски и антимикробски сусптанци што ги ослободуваат дрвјата и другите растенија во воздухот, помагаат во борбата со болести и штетни организми. Кога луѓето ги вдишуваат - со поминување време во природа - им се подобрува здравјето, поточно, фитонцидите го зајакнуваат имунитетот, го зголемуваат производството на антиканцер протеини, ги намалуваат хормоните на стресот, го подобруваат расположението и на крај - им помагаат на луѓето да се опуштат.
Прити вели:
„Каков и да ви е животниот стил, погледнете си го распоредот и запрашајте се: Како можам да вметнам мали количини изложување на природа?“
Умот и телото ќе ви бидат благодарни.
