„Мислам дека Дајен Китон е многу забавна, ама немам ништо заедничко со нејзе.” Станот на Ени Хол е еден кат над нејзината канцеларија и Хамболт е еднакво директна во однос на тоа што сака да има дома: „Класични пропорции и мазни рабови; не премногу перничиња,” вели таа. „Но мора да биде удобен. И не сакам трендови.”
А сепак, патеката до внатрешниот дизајн не ѝ била толку директна: дизајнирала текстил за Д. Порхолт, па се бавела со манекенство. Сега, заедно со живеалиштата на кои работи, ги декорирала и канцелариите на Есте Лодер во Париз и Билбоке рестораните во Њујорк и Атланта. Во моментот работи на уште еден Билбоке во Денвер и дизајнот го опишува како „француско бистро, со еден дежа ву момент што ти вика дека отсекогаш си доаѓал тука.” Истото може да се каже и за нејзиниот стан.
„Еден од клиентите на некого му рече, ‘Каролина ти го прави станот да ти изгледа како секогаш да си живеел таму.’ Мора да дава впечаток дека си влегол таму лесно и едноставно - како во haute couture фустан. Треба беспрекорно да ти прилега, но ако не е совршено изработен, едноставно нема да ти стои.”
