„Ноќта на вештерките” од традиција да се облечеш во нешто застрашувачко и така да избркаш лоши духови, со секоја наредна година станува сè пофин изговор или да се изглупираш, или да се разголиш. Некаде во средина е и остварување на желбата да се преправиш или да ја реализираш потребата за уметност каде што лицето или телото ти е платно. Локално, сето ова е прошарано со по некој Македонец што урла „не е тоа наш празник.” И така.
Сите поголеми (па и не толку големи) филмови и серии имаат своја порно верзија. А сите класични Халовин маски имаат своја разголена, секси верзија.
Во последните дваесет години, од мачка, вештерка и ѓавол, преминавме на секси мачка, секси вештерка и секси ѓаволЧЕ, тоа е една категорија. Втора и побизарна е секси пица, секси врата, секси џогер и такви работи за кои треба да им се честита на авторите. Трета категорија е сè што прошло низ наслов во медиум во секси варијанта.
Па така и секси Меган Маркл, и тоа невеста.
Плус, не е толку едноставно. Костимот доаѓа со актовка, што потсеќа на ангажманот на Меган Маркл во едно реално гејм-шоу, плус сако, нели, Меган Маркл во Suits.
Целата маска се вика „Американска принцеза”. Те тераат да ја купиш вака: „Живееш во вистинска бајка! Подготви се да прошеташ до кралскиот олтар со овој ексклузивен костим на ‘Американска принцеза’.”
Стварно, кај им текнуе.
Секси Трамп е боље.
Него, кажувајте чаре како да ги избациме од глава сите локални варијанти за секси костим.
