- Ви текнува 2000 и некоја (рано) кога сите носевме каубојски шешири? Е па, се враќаат. И не само тие. Бијонсе се префрли на кантри, Лана Дел Реј веќе најави исто кантри - а пребарувањата на Гугл за „каубојски шешир“ пораснаа за 212,5%, и за „боло вратоврска за неверојатни 566%.
- Оттогаш, каубојската мода од секаде никнува, од мода, до музика, до дрес-код за свадби. Барби и Кен во филмот носеа каубојски шешири, и танчерите на I’m Just Ken на Оскари во таа чест исто така.
- Патем, историчарите расправаат дека белите каубои романтизирани во вестерн-филмови се мит и дека стилот всушност се копира од мексиканските вакерос, само што луѓето од другите раси не добивале претставување во мејнстрим медиумите.
- Патем, ова не ѝ е прв пат на Бијонсе да го враќа каубојскиот шешир.
- Максел извади нов Вокмен за да не дремат тажно сите касети што сме ги собирале низ децениите. Новото е што се полни на УСБ-Ц и освен 3,5 милиметарски влез за слушалки, има и блутут конекција.
- Со полна батерија работи 11 саати, а за да се наполни му требаат 2. Веќе се продава и чини околу 80 долари.
- Вокмен бе!
- Росана Аркет која се појави во Pulp Fiction, изјави дека е „гадно“ што Тарантино во сценариото користи навредлив збор за црнци.
- Кај Тарантино ова не поминува: „Драга Росана, се надевам дека публицитетот што го добиваш од 132 различни медиуми што ти го пишуваат името и ти ја печатат сликата вреди за ова непочитување кон мене и филмот во кој се сеќавам дека беше пресреќна што учествуваш?“
- Аркет ја играше Џоди, жената на Ленс (Ерик Столц). А, Тарантино продолжува: „Дали сега се чувствуваш вака? Можно е. Откако ти дадов работа, да ги земеш парите, па сега да го плукаш филмот од, ми се чини, многу цинични причини, покажува дека немаш ни достоинство, ни чест.“
