Има нешто во ликот на една од најобожаваните жени на историјата што те тера да подзапреш со воодушевување и да размислиш. Нормално, овде влегуваат предвид и сите податоци што ги имаме за неа: заврши трагично многу млада, веројатно цел живот околу нејзе кружеле хиени (на Џоан Колинс ѝ има кажано: „Пази се од волците.“), на Џејн Фонда ѝ била како дете што зрачи светлина и ранливост, а на толку ловење и фотографирање, само неколку фотографи успеваат да ја фатат нејзината реална убавина и истата таа ранливост на која со горчина се сеќаваат некои од живите легенди.
А и покрај тоа што светот ја сметаше за своја отворена книга, ликот на Мерилин (за кој Ричард Аведон има кажано дека е измислен, како автор што смислува лик од книга), таа останува мистерија.
Сега Нетфликс како парчиња ги шие последните недели, денови и часови, со досега неслушнати снимки од тие што најдобро ја познавале и прави филм кој фрла ново светло на нејзиниот гламурозен комплициран живот.
И доаѓа на 27 април.
