Не се знае каде фали пилотот - во H&M или во тимот на Џастин Бибер, затоа што брендот за брза мода пушти Џастин Бибер-колекција, а Бибер кажа дека е тоа направено без негова дозвола и одобрување.
„Не сум одобрил ништо од колекцијата во H&M... сè е без моја дозвола и одобрување... Не ми се верува, јас не би купувал на ваше место.“
Justin Bieber says H&M’s new merch is being sold without his permission or approval 😳 pic.twitter.com/Vv63GowZKv
— DANI MEDINA (@danimedinanews) December 19, 2022
На втор слајд, веројатно доналутен вика:
„H&M колекцијата што ја направија со мене е ѓубре и не сум ја одобрил, не ја купувајте.“
Ако случајно на фановите не им било јасно од неговата објава, дури и искоментира на една слика,
„Кога сите ќе дознаат дека не сум го одобрил ова, не ми се верува“
И доби илјадници лајкови.
Е сега, во изјава, H&M кажаа дека сè било по процедура и дека било уредно договорено. Но, по јавното оградување решија да ја повлечат колекцијата.
„Од почит за соработката со Џастин Бибер, ги отстранивме сите парчиња од продавниците и од сајтот.“
Бибер еднаш веќе има соработувано со H&M во 2017.
Главното прашање е сепак, со оглед на тоа што пораснаа девојчињата што му врескаа на концерти - кој воопшто би посакал да купи нешто со фацата на Џастин Бибер?
Не, озбилно?