Обично „зависноста од шопинг” е ведра тема, а толку е навлезено во поп култура што станува и доста лукративна тема - еден тон ликови по книги и филмови се симпатични и смешни само затоа што се „шопахолици”. За илустрација, филмот „Исповеди на шопахоличарка” заработи 108 милиони долари на бокс-офис, а писателката на книгата на која е базиран, Софи Кинсела од приказната има заработено 27.7 милиони фунти (околу 30 милиони евра).
Зошто? Затоа што се препознаваме. Плус шарен е, има убавки работи и трапав женски лик што е некако „како нас.” А ич не е паметно да се поистоветуваме со зависник.
Во неврзан муабет е супер, па вицови, па такмичења кој е поголем импулсивен купувач - само што, зависноста од шопинг е повеќе црна отколку розева. Всушнсот, се работи за компулсивно нарушување со допирни точки со други зависности како апчиња и коцкање.