Вести › Набрзинка

Застаре прислушувањето, нема кривци, граѓаните ќе ги платат трошоците

17 октомври 2023

  • Од денеска никој не е виновен за масовното прислушување. По пет години и девет месеци правосудно натегање, од кои 9 месеци чување на предметот во фиока во скопска Апелација, последните клинци за запечатување на предметот „Таргет-Тврдина“ дојдоа директно од политиката - измените на Кривичниот законик.

  • „Како и во другите два претходни случаи на прислушување („Дувло“ и „Големото уво“) и во овој, за жал, нема да имаме кривично-правна разрешница и повторно нема да има одговорност за незаконското прислушување во државата“, рече обвинителката Ленче Ристовска.
  • За масовно прислушување на граѓаните обвинети беа Сашо Мијалков, Горан Грујевски, Надица Николиќ, Владимир Варелов, Маријан Шумуликовски и Васил Исаковски.
  • Сите трошоци за досегашното судење (сосе трошоците за адвокатите на обвинетите) ќе одат на товар на државниот буџет.
  • Чича мича готова прича.

 

 

извор

Шефицата на АфД: Ќе го укинеме еврото, ќе ги затвориме границите и ќе излеземе од Шенген

24 август 2026
  • Копретседателката на Алтернатива за Германија (АфД), Алис Вајдел, изјави дека доколку влезе во сојузната влада, нејзината партија ќе бара Германија да излезе од еврозоната и од Шенген, да ги затвори националните граници и да воведе значително построга миграциска политика.
  • „На Германија ѝ беше значително подобро пред воведувањето на еврото“, рекла Вајдел во интервју за ЗДФ, тврдејќи дека заедничката европска валута ја ослабнала германската економија и го намалила богатството на домаќинствата.

  • Во пресрет на изборите на 6 септември во Саксонија-Анхалт, АфД има поддршка од повеќе од 40 отсто од гласачите. На национално ниво, АфД има 27 отсто поддршка, додека ЦДУ е на 22 отсто.

извор

Кратко сефте за Артан Груби

24 август 2026
  • Главната расправа во судскиот процес за случајот „Државна лотарија“, во кој се обвинети осум лица, меѓу кои и поранешниот вицепремиер Артан Груби, е одложена на барање на одбраната.
  • Дел од адвокатите на обвинетите пред судот посочиле дека не го добиле обвинителниот акт, како и дека доказите на Обвинителството не им биле дадени на увид.
  • Судијката Биљана Шуплиновска Јолевски образложила дека поради обемот на доказниот материјал (231 материјален и седум вербални докази), доказите не биле испратени по пошта, туку биле обезбедени во кутии во судот, од каде што бранителите можат да ги подигнат и да извршат увид.
  • Артан Груби се враќа во домашен притвор а обвинетиот Прпарим Бајрами, поранешен директор на Државна Лотарија, не се враќа никаде бидејќи е во бегство.
  • Сите обвинети, наместо за проневера во службата, се товарат за друго кривично дело - злоупотреба на службената положба и овластување, кое предвидува поблага казна. 
извор

Штета ако сте пропуштиле

Битолчани го викаат „Сериознио“

Кумовите на ДБК

Не љубовта, уверувањата се слепи

Koфа гомна по глава на жител