Вести › Набрзинка

Вучиќ ѝ порача на опозицијата да не очекува пржински влади

27 мај 2023

На масовниот белградски митинг „Србија на надежта“ за поддршка на актуелните српски политики, Александар Вучиќ вети дека нема да прифати технички влади и порача дека власта се добива само на избори.
Објави дека после 11 години, се повлекува од лидерската позиција во својата партија и најави формирање на пошироко „Движење за народот и државата“
Поради последните тензии на Косово закажа седница на Советот за национална безбедност и порача дека Србија нема да седи со скрстени раце ако бидат загрозени Србите на Косово.
За време на митингот врнеше, па опозиционите медиуми (Нова С, Н1) посветуваа внимание на тоа колку луѓе заминале порано од митингот заради дождот.

11 јули 2025

Данела Арсовска била вербално и физички нападната кога посетила објект во изградба кој немал потребни дозволи, каде се крадела струја и вода и за кој не биле платени никакви давачки.

Министерот за внатрешни работи Панче Тошковски вели дека физички контакт имало, но дека е лага и повторен обид за манипулација на јавноста тоа дека нападот се случил пред очите на полицијата.
Плусинфо објави снимка од надзорна камера која покажува друга верзија на настанот. „Данела Арсовска прва започнува со напад при денешната обиколка на дивоградби во Општина Чаир. Таа со клоци удира маж кој потоа и возвраќа со напад“, пишува порталот.

11 јули 2025

Наспроти ниската стапка на наталитет во речиси сите членки, Европската Унија сега има рекордно висок број жители поради „зголемените миграторни движења“ по пандемијата на ковид во 2021 година, покажуваат најновите статистички податоци.
„Од 2012 година наваму негативниот природен прираст во ЕУ е помал од позитивната миграција“, наведува Еуростат.
На почетокот на годинава ЕУ имала 450,4 милиони жители, што е апсолутен рекорд. Тоа е за околу 1 милион повеќе во споредба со 2024 и четврто по ред зголемување од година на година.
Од 1960 година населението на ЕУ се зголемило за 95,9 милиони, главно поради проширувањето со нови членки.
Денес најмногу жители има Германија (83,6 милиони), а најмалку Малта (0,6 милиони). Речиси половина од населението е концентрирано во Германија, Франција и Италија.