Вести › Набрзинка

Ви се читаат 320-те амандмани за Македонија?

25 мај 2023

Комисијата за надворешни работи на Европскиот парламент наскоро треба да расправа за 320 амандмани за Нацрт-резолуцијата за Македонија.
Многу од нив се поднесени од бугарски европарламентарци но не сите. Некои од најскептичните амандмани во врска со Македонија доаѓаат од француски и германски парламентарци.
На пример 18-от француско-германскиот амандман кој бара да се додаде следниот текст:
„... при што проширувањето во Балканот е спротивен на интересите на земјите членки; студија од 2019 година на Европскиот совет на за надворешни односи (C.E.F.R.), потврдува дека мнозинството граѓани на Земјите-членки не сакаат интеграција на Балканот во ЕУ;“
А Маричиќ и слични, по којзнае кој пат плашат наивни дека ќе пропуштиме некаков воз (кој, гледате, не ни планира да тргне).

* Да се потсетиме на мудрите зборови на Жозеп Борел дека ЕУ е градина, она што е надвор од неа е џунгла; некои од џунглата сакаат да ја освојат градината но градинарите имаат обврска да ја чуваат.

извор

ОН ја преполовија помошта во храна за Палестиците

2 септември 2026

Светската програма за храна (WFP) предупреди дека е принудена да го преполови обемот на својата помош за Палестинците на окупираниот Западен Брег и Газа поради проблеми со финансирањето, особено откако САД ги намалија хуманитарните донации.
WFP соопшти дека ѝ се потребни дополнителни 386 милиони долари во текот на следните шест месеци за да им служи на околу 2 милиони загрозени луѓе на палестинските територии.
На Западниот брег, агенцијата на Обединетите нации е принудена да ја намали помошта од 400.000 на 200.000 луѓе. „Од овој месец ќе биде намалена помошта во форма на готовина, ваучери, храна, програми за обезбедување егзистенција и нутриционистички услуги“, соопшти WFP.
Од јули, за 40% е намалена паричната помош за околу 375.000 луѓе во Газа, каде што WFP обезбедува поддршка за 1,5 милиони луѓе, вклучително и храна за 1 милион.
„Ситуацијата во Газа е подобрена во споредба со минатата година, кога во делови од палестинската територија беше прогласен глад“, истакна IPC - водечката светска институција за следење на несигурноста во снабдувањето со храна, но предупреди дека „условите сè уште се на ниво на криза“.

извор

Асад градел нуклеарен реактор во Сирија

2 септември 2026

Обединетите нации открија дека Сирија, под власта на Башар ал-Асад, градела нуклеарен реактор во Деир ез-Зор, во источниот дел на земјата.
Инспектори од Меѓународната агенција за атомска енергија (МААЕ) во август посетиле две локации во Сирија и на една од нив откриле „инфраструктура што одговара на нуклеарен реактор“.
Шефот на МААЕ, Рафаел Гроси, неодамна изјави дека инспекторите пронашле и неколку тони нуклеарен материјал во Сирија на локација што Дамаск ја пријавил во агенцијата. Ураниумот бил во форма на обложени шипки за гориво за реактор.
„Агенцијата го верификуваше материјалот и потврди присуство на околу 73 тони метал од природен ураниум. Целиот материјал е под мерки за заштита и надзор“, објави МААЕ.

извор