Вести › Набрзинка

Важно: Славјанка се произнесе за томосот

13 јуни 2022

Не е добиен томосот но е направен голем исчекор кон добивање, уверува министерката за одбрана.
Министерот за полиција сака да го искаже својот впечаток: на сослужувањето присуствувал со голем пиетет.
Свое мислење за канонското единство преку Фејсбук искажа и Бујар Османи.

извор

Украинците во мај ќе гласаат за претседател и за мировен договор?

11 февруари 2026

Под притисок од САД, Володимир Зеленски планира во мај да закаже задоцнети претседателски избори паралелно со референдум за мировниот договор што до тогаш се очекува да го постигне со Русија, според извори на Фајненшл тајмс. Од Зеленски се очекува да го објави овој план на 24 февруари, на четвртата годишнина од руската инвазија.
Вашингтон му се заканил на Киев дека двете гласања мора да се одржат најдоцна до 15 мај. Во спротивно САД ќе ги повлечат понудените безбедносни гаранции. Администрацијата на Доналд Трамп веќе најави дека сака договор за крај на војната најдоцна до јуни, за да може да се посвети целосно на среднорочните избори за Конгресот во ноември.
Петгодишниот претседателски мандат на Зеленски требаше да заврши во април 2024 година, но тој постојано ја обновуваше воената состојба, која спречува одржување избори. Лани во декември изјави дека е спремен за избори ако може да се гарантира безбедност, но потоа додаде дека изборите се невозможни поради војната, руската окупација и милионите раселени лица.
За да бидат меѓународно признати резултатите од изборите, мора да учествуваат најмалку една половина од гласачите регистрирани пред војната, изјавиле изворите на Фајненшл тајмс.
Според најновата анкета од Ипсос, Зеленски заостанува за 3% зад Валериј Залужни - неговиот амбасадор во Британија, поранешен врховен воен командант и потенцијален независен кандидат.

извор

Сведоци за атентатот на Глигоров препознале водачи на подземјата во Белград и Нови Сад

11 февруари 2026

О по три децении од настанот, од кој ни претседателот Глигоров веќе 14 години не е меѓу живите, едно од најтешките прашања од поновата македонска историја останува без одговор.
„Преку оглас за 1 милион марки најдени келнерот и масерот на атентаторите на Глигоров“, пишува МКД.мк за трибината организирана за 30 годишнината на атентатот.
Поранешниот јавен обвинител Ставре Џиков потсети дека правна постапка за атентатот, односно обвинителска истрага, била отворена дури 4-5 години по настанот. До тогаш имало само белешки од полициската истрага.
Некогашниот член од тимот за обезбедување на претседателот Глигоров, главниот инспектор Зоран Додевски и денес е зачуден како толку лесно достапни сведоштва и докази биле пропуштени во истрагата.
Од исказите на тие двајца сведоци, препознаени се двајца од извршителите – едниот како шеф на новосадското подземје, а друг како еден од првите луѓе на тогашното белградско подземје.

извор