- Нов земјотрес со јачина од 6,4 степени ја погоди јужната турска провинција Хатај, најпогодената област од претходните земјотреси од кои загинаа преку 41.000 луѓе.
- Агенции јавуваат дека земјотресот го погодил градот Дефне во 20:04 часот по локално време, силно се почувствувал во Антакија и Адана, 200 километри на север и долж границата со Сирија.
- Стравот сега е дали ќе има сериозни афтершокови, пренесува Гардијан.
- Индија истрела проектили врз девет цели во Пакистан и во пакистанскиот дел од спорниот регион Кашмир.
- Пакистан објави дека ќе возврати на нападите.
- Индиските власти објавија дека ја почнале Операцијата Синдор и дека погодиле центри од кои биле планирани терористички напади врз Индија.
- „Нашите акции се фокусирани, одмерени и не се ескалаторни по природа. Не се погодени воени центри на Пакистан. Индија покажа исклучителна воздржаност при селекцијата на цели и методот на нападот“, соопшти владата во Њу Делхи.
- Повод за нападот е нападот од пакистанска милитантна група врз туристи во индискиот дел на Кашмир.
- И Индија и Пакистан имаат нуклеарно оружје.
- Фридрих Мерц е избран за канцелар на Германија дури во второто гласање во Бундестагот.
- За коалициската влада на конзервативците и социјалдемократите гласаа 325 пратеници, девет повеќе од потребното мнозинство. Коалициските партнери имаат 328 пратеници. Против биле 289 пратеници, а три ливчиња биле неважечки.
- Мерц беше првиот кандидат за канцелар во повоената историја на Германија што не бил избран во првиот круг. На гласањето претпладнето тој доби поддршка од 310 пратеници.
- Опозициската Алтернатива за Германија истакна дека без оглед на исходот, гласањето за новата влада покажало колку е кревко нејзиното мнозинство, кога дури и пратениците од ЦДУ/ЦСУ и социјалдемократите немаат доверба во новиот канцелар.
