Вести › Набрзинка

Три години по живи изгорените луѓе во модуларната, одговорност нема

8 септември 2024

На денoт кога Македонија одбележува 33 години од самостојноста, се навршуваат три години од една од најголемите трагедии што во овој период и се случија на земјата. На 8 септември 2021 година изгоре модуларната болница во Тетово, која беше отворена за згрижување и лекување пациенти болни од ковид.
Четиринаесет лица ги загубија животите во трагедијата, а уште десетина беа повредени. Од загинатите, 12 беа на болничко лекување, додека за двајца беше утврдено дека се членови на семејствата на дел од згрижените пациенти.
Беше спроведена истрага, а имаше и судски процес. Сепак, јасна одговорност за трагедијата и по три години, граѓаните на земјата сè уште чекаат.
Филипче во интервју за „Фокус“ за пожарот во модуларната болница: Мојата совест е чиста, трагедии во пандемијата се случуваа насекаде.

извор

Плус 10% тарифи од Трамп за БРИКС

7 јули 2025

Доналд Трамп ќе воведе дополнителни 10% тарифи за увоз на производи од земјите од блокот БРИКС (Бразил, Русија, Индија, Кина и Јужна Африка).
„Секоја земја што се приклонува кон антиамериканските политики на БРИКС ќе добие уште 10% тарифи. Нема да има исклучоци за оваа политика“, објави Трамп.

БРИКС вчера го почна својот самит во Рио, на кој не присуствуваат рускиот претседател Владимир Путин и кинескиот Си Џинпинг. На отворањето, бразилскиот лидер Лула да Силва изјави дека земјите од блокот денес претставуваат една половина од светското население и 40% од глобалната економија.
Задутре завршува рокот од 90 дена што Трамп им го даде на земјите низ светот да склучат билатерални трговски договори со САД или да се соочат со „реципрочните тарифи“ што ги најави во април. Со некои земји е постигнат договор, а 12 до 15 поголеми партнери и стотина помали ќе добијат писма со ултимативни понуди. Министерот за трговија Хауард Лутник објасни дека царините ќе стапат на сила од 1 август.

извор

Орце Ѓорѓиевски е вмровскиот кандидат за Скопје

6 јули 2025

Актуелниот градоначалник на Кисела Вода е кандидат за градоначалник на Град Скопје на ВМРО-ДПМНЕ на локалните избори што ќе се одржат во октомври.
Обелоденувајќи ја одлуката, претседателот на ВМРО-ДПМНЕ и премиер Христијан Мицкоски, рече дека партиските одлуки се темелат на анкетите кои покажуваат дека Ѓорѓиевски води убедливо дури и петпати повеќе во однос на решенијата што се споменуваат од СДСМ.
„Кога сме кај Градот верувајте ги научивме сите лекции за да не погрешиме сега повторно во изборот за прв човек на градот, пред се што Орце е веќе докажен во Кисела Вода и делата што ги направи говорат за него. Сега ќе има нова задача да го развива Скопје, да ја нормализира неговата работа и да го врати на скопјани. Ќе понудиме програма, но и заедничка работа и визија“, наведе Мицкоски.
Утврдени се и кандидатурите за општините Гази Баба, актуелниот Бобан Стефковски, за Карпош Сотир Лукровски, од приватнот сектор, за Лозово актуелниот градоначаник Бошко Цветкоски, за Пехчево, актуелниот градоначалник Александар Китански, за Ресен актуелниот Јован Тозиоски, за Зрновци исто така актуелниот градоначалник Борче Коцев.

извор