Вести › Набрзинка

Трамп ќе потпише стотина извршни уредби на денот на инаугурацијата

20 јануари 2025

Доналд Трамп вети дека на луѓе ќе им се сврти во глава кога ќе потпише стотина претседателски укази веднаш штом положи заклетва како 47- ми претседатл на САД.
Веќе најави дека тие ќе се однесуваат на илегалната имиграција, климатските прашања, политиките на диверзитет, родовите политики, декласификација на документи, трговија, тарифи...
Американски претседател има право на водење политика со извршни уредби и тие можат да бидат сменети или од следните претседатели или од судовите.

извор

Почина Дик Чејни

4 ноември 2025

Дик Чејни, поранешниот моќен американски потпретседател што инсистираше на инвазијата врз Ирак, почина на возраст од 84 години.
Чејни беше шеф на Пентагон за време на мандатот на Џорџ Буш постариот и потпретседател на Буш помладиот. На втората функција беше одговорен за реакцијата на САД на терористичкиот напад од 11 септември 2001 година - за следењето на граѓаните, притворањето и измачувањето на нелегално грабнатите осомничени терористи.
Поддржуваше мачење со вотербординг „ако тоа спаси нечиј живот“. За инвазијата во Ирак тврдеше дека американските војници ќе бидат пречекани како ослободители. Ги однесе во војна од која повеќе од 4.000 не се вратија.
По напуштањето на функциите водеше кампања против Трамп, за кого изјави „Тој се обиде да ги украде минатите избори, служејќи се со лаги и насилство за да остане на власт откако граѓаните го отфрлија“. Ги разгневи републиканците кога лани објави дека гласал за Камала Харис.
Срцето на Чејни издржа пет удари пред да биде заменето со друго од донатор. „Секое утро се будам со насмевка, благодарен што ќе поживеам уште еден ден“, изјави Чејни во 2013 година.

извор

Хрватска бележи раст на родени бебиња

4 ноември 2025

Во четири месеци оваа година, од почетокот на јуни до крајот на септември, во Хрватска се родени 656 бебиња повеќе отколку во истиот период минатата година.
Тоа се околу 33 одделенија за првачиња повеќе, вели министерот за демографија, Иван Шипиќ.
Подобрувањето на демографската слика е еден од приоритетите на тамошната влада - се подготвува сеопфатен закон за демографска обнова а се работи и на нов Закон за детски додаток што би ги опфатил сите деца.
За депопулираните општини во Хрватска владата има одвоено поддршка од 30 милиони евра.

извор