Вести › Набрзинка

Тина Тарнер почина на 83 години

24 мај 2023

Долговечната Тарнер почина во својот дом во Швајцарија, по долготрајни проблеми со здравјето (рак, инфаркт, откажување на бубрезите).
Ја откри и ја обликуваше Ајк Тарнер, но откако го остави проблематичниот и насилен сопруг, направи уште поголема кариера.
Последните години имаше лични трагедии кога во 2018 се самоуби нејзиниот син Крег, а во 2022 почина другиот син Рони (од бракот со Ајк).
Телма ја прогласи за кралица на рок енд ролот. Ок.

Одвојте 9 минути да видите еден нејзин ѕверски настап на Вембли со „Proud Marry“:

извор

До каде се истрагите за милионските корупциски афери?

22 декември 2025

Уапсени се бизнисмените Асмир Јахоски и Ратко Капушевски, претрес кај поранешниот директор на Службата за општи и заеднички работи (СОЗР) во Владата Пеце Мирчевски, има индиции каде е Артан Груби…
Ова се дел од вестите што пристигаа до македонските граѓаните во текот на 2025 за сомнителните корупциски афери од висок профил а за кои сè уште нема епилог (обвиненија или запирање на истрагите).

- Истрагата со набавката на мазут за ТЕЦ Неготино „чека“ државните факултети да назначат професори за да му помогнат на обвинителството, како и дополнителна документација што треба да ја обезбеди МВР.

- Случајот со Артан Груби и проневерите во Државна лотарија не може да стигне во суд бидејќи на поранешниот вицепремиер не може да му се суди во отсуство затоа што му се заканува затворска казна од над пет години.

- За ексдиректорот на СОЗР, Пеце Мирчевски, наскоро би можело да има одлука за обвинение, пишува Радио Слободна Европа.

извор

Данска го повика амбасадорот на САД откако Трамп назначи човек за Гренланд

22 декември 2025

Премиерите на Данска и Гренланд од американскиот претстедател Доналд Трамп побараа да ги почитува нивните граници откако овој начначи специјален пратеник за Гренланд, данска територија со широко самоуправување.
Џеф Лендри, гувернер на Аризона, откако беше назначен за специјален пратеник на Трамп за Гренлад рече дека му е чест служи на оваа волонтерска позиција „за да се направи Гренланд дел од САД“.
Данска и Гренланд оценија дека во прашање се фундаментални принципи.
„Додека го имаме кралството Данска кое се состои од Данска, Фарските Острови и Гренланд, не можеме да прифатиме дека постојат такви што го поткопуваат нашиот суверенитет,“ изјави шефот на данската дипломатија, Ларс Локе Расмунсен.
Гренланд има исклучително важна геостратешка позиција бидејќи лежи меѓу Северна Америка и Европа, на раскрсницата меѓу Арктичкиот Океан и Северниот Атлантик. Таа положба го прави клучен за воена безбедност, контрола на арктичките морски патишта и натпреварот за ресурси. Притоа е богат со минерални суровини (железна руда, цинк, олово, никел, злато, уран, ретки земјени елементи), како и со големи резерви на нафта, природен гас и слатка вода во форма на мраз.

извор