- По 15 години Туркменистан доби нов претседател по име Сердар Бердимухамедов, син на довчерашниот претседател Гурбангули Бердимухамедов.
- Станува збор за најнеизвесните избори во Туркменистан од осамостојувањето на земјата, во кои Сердар победил со неполни 73% од гласовите, а неговиот главен конкурент освоил 11%.
- Најслабиот резултат на татко му е 89,2% од гласовите (на првите избори), а на последните Гурбангули освојува 97% од гласовите.
- Минатиот месец Гурбангули објави дека се повлекува и дека државата ја остава на помладите.
- Директорот на ЦИА, Џон Ратклиф, ја посети Хавана за да му ја пренесе лично на кубанското раководство понудата од претседателот Доналд Трамп – итна економска помош и соработка, во замена за политички реформи.
- Ратклиф е вториот шеф на ЦИА што ја посетил Куба по револуцијата во 1959 година. Тој пристигна во критично време, кога земјата остана без последните резерви на мазут и дизел и воведе рестрикции на струја од по 20 часа на ден.
- Во кубанското соопштение за посетата се вели дека состанокот „овозможил категорично да се демонстрира дека Куба не претставува закана за националната безбедност на САД, ниту пак постојат легитимни причини да се вклучи на списокот на земји кои спонзорираат тероризам“.
- Државниот секретар Марко Рубио еден ден претходно ѝ понуди на Куба 100 милиони долари „хуманитарна помош“ за да ја надмине енергетската криза. Трамп пред посетата на Кина порача: „Куба бара помош и ние ќе разговараме!!!“.
- Во исто време, функционер од Министерството за правда најави дека САД ќе го обвинат Раул Кастро, 94-годишниот лидер на Комунистичката партија, во врска со соборување авиони на хуманитарна организација во 1996 година.
- Ратклиф вчера разговарал со Раул Родригез Кастро - внукот на Раул Кастро.
- Реагирајќи на жалба на Првите народи, суд во Едмонтон ја блокира иницијативата за организирање референдум за независност на канадската провинција Алберта.
- Движењето Stay Free Alberta достави барање со потписи од 300.000 потписи, што ја обврзува покраинската влада да распише референдум за прашањето за независност.
- Судијката Шаина Леонард ја запре процедурата, пресудувајќи дека за иницијативата не биле консултирани домородните племиња Атабаска Чипјујан, Блад, Пиикани и Сиксика, поради што биле загрозени договорите што тие во 19 век ги постигнале со тогашните британски власти.
- „Меѓународната граница би го уништила нивниот начин на живот. Нема шанси тие да продолжат да живеат како што живееле во изминатите 7.000 години“, изјави адвокат на племето Чипјујан.
