- Иако уредно поканет, кавадаречкиот судија Лазар Нанев денеска не се појави на седницата на Судскиот совет на која се расправаше за негова одговорност за да може да се произнесе по наводите дека тој непрофесионално и неодговорно ја извршувал судиската функција.
- Постојат листинзи од извршени телефонски разговори меѓу судијата Лазар Нанев и Ванчо Кузманов, обвинет како сопственик и управител на фирмата Ангола а се работи за вкупно 95 телефонски повици, појасни подносителот на на барањето, судијката Антоанета Димовска.
- Како што кажаа таа, судијата не смеел да комуницира со обвинетиот Кузманов бидејќи тој бил еден од странките во постапката со што било прекршено начелото на непристрасност на водење на постапката.
- Претходно Нанев самиот инсистирал на јавна седница за неговиот случај за која најавил дека викне претставници на меѓународната и дипломатска заедница и невладините организации за да имаат увид „во ширењето лаги и невистини”.
- Аналитичари од ЦИА оцениле дека тактиката на претседателот Трамп да ги засили бомбардирањата врз Иран нема да го скрши отпорот на раководството во Техеран и нема да го принуди да ги повлече своите цврсти позиции на евентуалните преговори.
- „Иранската влада има еден главен приоритет, а тоа е сопствениот опстанок, и докажа дека е подготвена да прифати огромна казна за да се заштити. Овој режим е изграден за да издржи воен притисок, кој би скршил власт во секоја нормална држава“, се предупредува во разузнавачки извештај што протече до јавноста преку Вашингтон пост.
- Аналитичарите заклучиле дека САД и Иран засега се заглавени во бескраен циклус помеѓу напади и примирја. Бомбардирањето не води до политичка предност. Понатамошна ескалација, како копнена инвазија, е опција која е длабоко непопуларна за Американците затоа што ризикува многу повеќе американски жртви, а нема гаранции дека би била успешна.
- Новиот разузнавачки извештај е изготвен главно од офицери на ЦИА. Проценките не се конкретни предвидувања за иднината, туку пресек на тековните и веројатните идни трендови, врз основа на сите достапни разузнавачки податоци и материјали.
- Заклучокот од претходната проценка во мај беше дека Иран може да издржи поморска блокада од САД најмалку три до четири месеци пред да се соочи со посериозни економски тешкотии.
- Ветерот од вчерашното невреме во Македонија го надминал нивото на оркан, дефинирано како ветер чија брзина надминува 118 километри на час.
- Најсилниот удар, со максимална брзина од 134 км/ч, бил измерен во 17.00 часот во метеоролошката станица во Штип. Во Скопје во 16.10 часот и во струмичко Ново Село во 17.50 брзината достигнала 130 км/ч, според податоците на УХМР.
- На мерната станица Амзабегово е регистрирана „орканска олуја“ – ветер од 113 км/ч, а во Кочани, Радовиш, Тетово, Кратово, Виница и Црешево имало „силна олуја“, со брзина на ветер до 100 км/ч.
