Вести › Набрзинка

Системот кој оневозможува крадење дози цитостатици бил фрлен во подрум

3 септември 2023

Кога во 2016 година Клиниката за Онкологија набавила автоматизиран систем за подготовка на цитостатиците наречен КАТО систем, идејата била да се спречат загубите на дози цитостатици поради кои што клиниката губела пари, а пациентите ризикувале несоодветно дозирање, а со тоа и несоодветно лекување.
По само шест месеци откако е набавен овој систем, во 2017 година, новиот директор Нино Васев го исфрлил од употреба.
Иако 20 медицински сестри минале обука за користење на системот, Нино Васев го размонтирал системот и најавил дека ќе го користат стариот начин на работа, за да заштеделе на ќеси.

извор

Советник на Заев вмешан во шпионска афера на Косово

29 август 2026

Името на Виктор Петрушевски, поранешниот советник на Зоран Заев за локална самоуправа, е дел од актуелната афера објавена во медиумите во Косово за наводната поврзаност на Фатмир Шехоли, познат политички аналитичар, со српската безбедносно-информативна агенција БИА.
Шехоли е медиумски работник во периодот на Милошевиќ, човек со признато искуство во српските безбедносни структури, косовски функционер/советник и активист за меѓуетнички односи и познат телевизиски политички аналитичар, пишува МКД.мк.
Според обвинението, на 5 август 2025 година Шехоли испратил документ означен како „Top Secret 2“ на лице заведено како „Виктор Македонија“.
Косовските медиуми пишуваат дека документот содржел политички и стратешки план поврзан со ширење на исламскиот радикализам во Косово и регионот. Во него се зборува за изградба и проширување на верски објекти и за создавање мрежи со влијание во спортот, медиумите, музиката и политиката.

извор

30 години од трагедијата кај манастирот Богородица во Берово

28 август 2026

На 29 август 1996 година, само еден ден по празникот Успение на Пресвета Богородица, манастирот „Успение на Пресвета Богородица“ кај Берово стана место на една од најтрагичните несреќи поврзани со голем православен црковно-народен собир во Македонија.
Девет лица загинаа, а повеќе од 50 беа повредени кога во манастирскиот простор удрија громови. Илјадници верници кои дошле на празничниот собир, во само неколку минути се најдоа во хаос, паника и борба за живот.
Празникот се слави на 28 август. Се паѓало среда, според црковните правила посен ден. Но, поради традицијата да се има курбан за ручек тој ден, кој се приготвувал со мрсна храна, традиционалниот народен ручек, а со тоа и прославата на празникот бил поместен за 29 август, кога можело да се јаде мрсно.
Токму оваа одлука, по трагедијата, ќе стане центар на едно од најпознатите верувања поврзани со несреќата, дека се работи за божја казна.
Ама, реалнo, каде да удри гром од небото ако долу на земјата има триесетина огромни бакарни казани со храна?

извор