- Поранешниот италијански премиер се ожени за неговата најнова невеста, инаку пратеничка од неговата партија, Марта Фаскина.
- Берлускони е 85 години, Марта е 32 години.
- Берлускони во 2020 раскина со тогашната девојка,
- Франческа Паскале, кога таа имаше цели, веројатно за него и неподносливи, 34 години.
- Децата на Берлускони, кои и ден денес не се на чисто околу тестаментот на татко им, не се воодушевени од свадбата.
- Американската разузнавачка агенција ЦИА неодамна извршила напад со дронови врз пристанишен објект на брегот на Венецуела, за кој сметала дека го користи наркокартелот Трен де Арагва за складирање и транспорт на дрога. Објектот бил празен и немало жртви, изјавиле анонимни извори за ЦНН.
- Претседателот Доналд Трамп во интервју во петокот призна дека САД уништиле „некаков голем објект од каде што доаѓаат бродовите“. Тој синоќа одби да коментира дали нападот го извршила војската или ЦИА: „Значи, ги погодивме сите бродови, а сега ја погодивме и областа“.
- Американските сили синоќа го извршиле и 30-от напад во водите на Карипско Море и источниот Пацифик врз бродови за кои сметаат дека пренесуваат дрога од Венецуела до САД. Синоќа загинале две лица, вкупно 107 досега.
- „Овие наркотерористи се Ал Каеда на нашата хемисфера. И ние ги ловиме со истата софистицираност и прецизност со која ја ловевме Ал Каеда“, порача Министерот за одбрана Пит Хегсет.
- Украинските сили испратиле 91 дрон со експлозив кон резиденцијата на рускиот претседател Владимир Путин во Новгородската област, но сите летала биле соборени од противвоздушната одбрана, изјави шефот на руската дипломатија Сергеј Лавров. Нападот бил извршен неколку часа откако претседателите Володимир Зеленски и Доналд Трамп разговарале на Флорида.
- „Немаме намера да се повлечеме од преговарачкиот процес со САД. Сепак, со оглед на целосната дегенерација на криминалниот режим во Киев, кој се префрли на политика на државен тероризам, преговарачката позиција на Русија ќе биде ревидирана“, предупреди Лавров. Тој додаде дека „Москва веќе ги одредила целите и времето на одмаздничките напади“.
- Зеленски ги отфрли извештаите за „наводниот напад“ како обид на Русија да ги попречи преговорите. „Ова е целосна измислица наменета да оправда нови напади врз Украина и Киев.“
- Американскиот претседател Трамп за нападот дознал во итен телефонски разговор со Путин и ја критикуваше Украина поради сериозната провокација во најлошо можно време. „Знаете кој ми кажа за тоа? Претседателот Путин, рано наутро, ми рече дека бил нападнат. Не е добро. Ова е деликатен период. Ова не е вистинско време. Едно е да се напаѓа. Друго е да се нападне неговиот дом. Не е вистинско време за такво нешто.“
- Не е јасно дали Путин бил во резиденцијата во времето на наводниот напад. Имотот е на полуостров помеѓу две езера, заштитен со 12 тешки системи за противвоздушна одбрана „панцир-с“.
