Вести › Набрзинка

„Рускиот шпион“ Хвалдимир бил убиен со огнено оружје

5 септември 2024

Две норвешки групи за заштита на животни инсистираат на полициска истрага за смртта на белиот кит Хвалдимир тврдејќи дека поседуваат доволно докази дека тој бил убиен од огнено оружје.
Безживотното тело на Хвалдимир (кованица од норвешкиот збор за кит „хвал“ и името на рускиот претседател) деновиве беше пронадено во еден норвешки залив. Тој стана широко познат откако се рашири муабет дека бил трениран да извршува шпионски задачи на Москва.
Хвалдимир имал околу 15 години, прилично млад дечко со оглед на тоа што китовите живеат по 60-70 години. „Го знам Хвалдимир пет години, штом го видов неговото тело, знаев дека е убиен,“ вели активистка на едно норвешко задужение за заштита на китовите.

извор

Башар ал Асад осуден на смрт во Сирија

11 август 2026

Поранешниот сириски претседател Башар ал-Асад, во отсуство е осуден на смрт за злосторства извршени за време на речиси 14-годишната граѓанска војна во земјата.
Судот во Дамаск го прогласи за виновен за убиство со умисла, тортура, произволни апсења и злосторства против човештвото, вклучително и убивање деца.
На смрт е осуден и неговиот брат Махер.
Асад во 2011 година се соочи со масовни протести кои прераснаа во долгогодишна граѓанска војна во која страдаа стотици илјади луѓе. Странски сили (САД, Турција, Иран, Русија...) здушно учествуваа во судирите, помагајќи ги „своите“.
Во декември 2024 ел Асад беше соборен кога противниците влегоа во Дамаск а тој пребегна во Русија која му понуди засолниште.
Сега со Сирија раководи ребрендираниот Абу Мохамед ал Џулани, поранешен член на Ал Каеда, основач на Џабат ал-Нусра (сириското крило на Ал-Каеда) група означена како терористичка организација од САД, ООН, ЕУ и други. Своевремено имаше награда од 10 милиони долари за информации што би довеле до негово апсење.
Денес Џулани е кооперативен и угледен член на „меѓународната заедница.“