Вести › Набрзинка

Репортажа: Транс деца

13 јуни 2022

Шведски документарен филм (со македонски титлови) за штетата што им се прави на т.н. транс-деца.
Репортажата емитувана на националната телевизија STV дава осврт на слабата научна поткрепа за хормонската терапија и блокаторите на пубертетот што им се даваат на деца и адолесценти што се збунети за својот пол и каква катастрофална и доживотна штета прават врз здравјето на младиот човек.
Наспроти широко распространетиот аргумент на транс-активистите дека доколку децата не „сменат“ пол, ќе се самоубијат, документарниот филм ни го покажува сосема спротивното – таквите деца имаат други пропратни психички проблеми, така што дури и да им се потврди нивниот род што го избрале, тие остануваат несреќни, продолжуваат да се самоповрeдуваат и имаат тенденции кон самоубиство.

19 август 2026

Фајненшел тајмс пишува дека иранското водство разгледува начини како да го подигне влогот во конфликтот со САД доколку тоа биде потребно.
Двајца инсаjдери од од иранскиот режим потврдиле дека иранските вооружени сили веќе ја процениле можноста за напад врз американски воени цели во земјите во југоисточна Европа, доколку Трамп се реши за заострување на односите.
Една од нив е Бугарија која минатиот месец одобри користење на својата воздухопловна база Безмер за американски танкерски авиони.
Втора потенцијална мета за одмазда е Кипар, каде седиште има британска воена база која во март беше цел на напад со беспилотни летала.
Не ја погоди целта во американско-британската воената база Диего Гарсиа во Индискиот океан, но иранска ракета во февруари демонстрираше дека може да лета 4.000 километри.

19 август 2026

На оние што пешки или со точак шпартаат по шумски и планински патеки каде што нема интернет или достапен мобилен сигнал, апликацијата може да им биде доста корисна.
Таа комбинира детални мапи, планирање рути, ГПС навигација и следење на активностите, додека ја прикажува моменталната позиција директно на мапата, и сето тоа може да работи офлајн.
Планерот прави разлика помеѓу повеќе начини на патување, па за возење велосипед можете да изберете помеѓу туристичко, планинско и друмско возење, додека пешачките рути може да се прилагодат за да им се даде приоритет на планинарските патеки.
За планираните рути се прикажуваат растојанието, проценетото времетраење и висинскиот профил, за да можете да процените колку е тешка избраната рута.