Украина сака да собере некои си 40 милијарди долари, кои ќе бидат потребни за првата фаза од „Зелениот Маршалов план“, која ќе биде фокусирана на обновување на економијата, конкретно развивање на металуршката индустрија која нема да користи јаглен.
За овие пари би се изградила металуршка индустрија со годишен капацитет од 50 милиони тони „зелено“ железо, со што земјата би станала најевтин снабдувач на светот со „зелено“ железо. Планот е новите железари да се градат близу рудниците со железо, а не близу рудниците за јаглен (кои се наоѓаат главно во Донбас) како што беше до сега.
На овој сектор во 2021 отпаднале 10% од БДП-то на Украина, вработувал околу 600.000 луѓе и учествувал со една третина од вкупниот извоз на земјата.
Процената на Светската банка е дека реконструкцијата на земјата ќе чини над 400 милијарди долари.
Лидерите на Британија, Германија, Франција, Италија, Финска, Европската Унија и на НАТО ќе го придружуваат Володимир Зеленски на во Белата куќа, во обид да спречат Доналд Трамп да договори мир со Русија неповолен за Украина и за Европа.
Незгодно е што Зеленски прво сам ќе се сретне со Трамп и со потпретседателот Џеј Ди Венс во Овалната соба, на истото место на кое истите луѓе пред неколку месеци пред камери му одржаа лекција како треба да се однесува со своите сојузници. Овој пат од него се очекува да ги прифати отстапките што рускиот претседател Владимир Путин ги побара од Трамп на самитот во Алјаска - Украина да се откаже од членство во НАТО и од петте региони што прогласија независност.
„Претседателот Зеленски, ако сака, може речиси веднаш да ја заврши војната со Русија, или може да продолжи да се бори“, отворено порача Трамп.
„Потребни ни се вистински преговори, што значи дека треба да почнеме од сегашната линија на фронтот“, побара вчера Зеленски, забележувајќи дека „Уставот не му дава право да дава територија“.
Ако прифати мир под условите што ги диктира Путин, Украина може да добие безбедносни гаранции дека САД ќе ја бранат од евентуална руска агресија во иднина. Путин наводно се согласил дека таквиот механизам би бил прифатлив за Москва.
„Тие ја загрозија нашата демократија и секој човек, ова е против секој нормален човек во земјата. Банда владее со улиците“, рече Вучиќ за време на своето обраќање во Палатата на Србија.
Вели дека градовите во Србија се празни бидејќи луѓето се плашат да излезат а во меѓувреме страдаат сите, од угостители до фризери, кои не можат да заработат поради ситуацијата и уличните немири.
Вучиќ кажа дека го кажува сето ова заради историјата, да не биде дека не предупредил на она што може да се случи.
„Прашање на ден е кога некого ќе убијат. Не претерувам, само уште тоа им остана“.
Српскиот претседател најави дека за 3-4 дена, државата ќе почне да презема решителни мерки за враќање на редот и законите во државата.
