- 53 годишниот принц Хаакон стана крал Хаакон Осми, откако деновиве почина неговиот татко Харалд Петти.
- Новиот крал ќе има задача да ја стабилизира монархијата и да ја врати популарноста на кралското семејство, сериозно урната по обелоденувањето на контактите на неговата сопруга со Џефри Епстин, како и пресудата за силување на неговиот посинок.
- Хаакон е помладото дете на Харалд, родено две години по неговата сестра, принцезата Марта Луиз. Сепак, како најстар машки син, тој стана наследник на тронот. Уставот на земјата беше променет во 1990 година за да им се овозможи на идните првородени - без оглед на полот - да имаат предност во линијата на наследување. Во случајов тоа не беше применето ретроактивно.
- Хаакон има кажано да не бил тоа што наследил да биде, ќе бил сурфер.
- Украина ненајавено остана без целосен пристап до интернет-услугата Starlink на Илон Маск, што ѝ ги блокираше операциите на бојното поле против руските трупи.
- „SpaceX, компанијата која го управува со Starlink, поставила ограничување на брзината на терминалите во Украина кога дроновите управувани од системот надминувале брзина од 100 милји на час“, изјави Серхиј Бескрестнов, советник во претседателот Зеленски.
- Бекстренов оцени дека компанијата на Маск веројатно дејствувала по барање од претседателот Трамп, кој во саботата го зголеми притисокот врз Зеленски и побара да престане да ги напаѓа руските рафинерии за нафта.
- Маск на својот профил на Икс коментираше: „Зеленски отиде предалеку“.
- Министерот за здравство Сашо Клековски изјави дека бегството на Ива Михајлова во соседна Бугарија е поради доаѓањето на бугарскиот конзилиум во Македонија, кој, по проверката на нејзините наводи, вели, ќе утврдеше дека таму нема здравствен случај.
- „Бегството е поради доаѓањето на бугарскиот конзилиум тука. Тој требаше заедно со македонските лекари да ги провери наводите на лицето. Мислам дека тогаш ќе излезеа работите на виделина какви се. Јас патувам во Софија, ќе разговарам секако со нивното Министерство за тоа бидејќи во основа таму нема здравствен случај“, вели Клековски.
- Татко ѝ Симеон Михајлов исто така има избегано во Бугарија по пресудата од 12,5 години затвор за случајот „Детонатор“. Во моментот македонските власти имаат распишано меѓународни потерници и по Ива Михајлова и по Симеон Михајлов.
