Вести › Набрзинка

Ноам Чомски се извини што шурувал со Епстин

9 февруари 2026

Ноам Чомски и неговата сопруга Валерија на долго и широко јавно се извинија за нивните контакти со Џефри Епстин кои продолжиле и откако тој во 2008-ма година беше осуден за поттикнување малолетничка проституција.
Направиле „трагична грешка“ и биле „невнимателни“ што недоволно ја испитале позадината на нивниот пријател со што отвориле врата за „тројански коњ.“ А биле и манипулирани од него (оти деца).
Објавените фајлови откриваат дека денес 97 годишниот лингвист и филозоф му давал на Епстин медиумски совети као да се справи со медиумските напади врз него откако беше осуден.
Притоа, таквите напади во меил до него ги оцени како „хистерични“ и го советуваше да ги игнорира освен ако не е директно прозван.
На една покана на Епстин тој и сопругата да го посетат, стариот му пишува дека Валерија го обожава Њујорк ама дека тој „фантазира за Карибите.“ Да, на Карибите се наоѓа озлогласениот остров на контроверзно и уште поконтроверзно замолчениот Џефри Епстин.
Очекувано, многумина се разочарани од човекот на кого често се гледаше како на морална вертикала и неспорен и интелектуален интегритет.
Меѓу нив е и Крис Хеџис кој напиша:

„Го познавам и долго време му се восхитувам на Ноам. Тој е веројатно нашиот најголем и најпринципиелен интелектуалец. Можам да ве уверам дека не е толку пасивен или наивен како што тврди неговата сопруга. Тој знаел за злоупотребата на децата од страна на Епстин. Сите тие знаеле. И како и на останатите од неговата орбита, не му било гајле. Од е-поштата меѓу Епстин и Валерија се чини дека таа особено уживала во привилегиите што доаѓале со тоа што била во кругот, но тоа не ја поништува согласноста на Ноам. Ноам, од сите луѓе, ја знае предаторската природа на владејачката класа и суровоста на капиталистите, каде што ранливите, особено девојчињата и жените, се објекти што треба да се користат и експлоатираат. Тој не бил измамен од Епстин. Тој бил заведен. Неговата поврзаност со Епстин е ужасна и за многумина, непростлива дамка. Таа непоправливо го оцрнува неговото наследство.“

извор

Трамп ја охрабри Аргентина да не се откажува од Малвините

25 април 2026

Владата на Аргентина побара да бидат обновени преговорите со Обединетото Кралство во врска со суверенитетот над Малвините (Фолкландските Острови), откако администрацијата на Доналд Трамп најави дека САД може да ја откажат политичката поддршка за Британија во територијалниот спор.
Во внатрешен меморандум во Пентагон е наведено „преиспитување на дипломатската поддршка за британските империјални поседи“ како можна казна за „непослушните“ сојузници на САД од НАТО, кои ги одбиле повиците да се приклучат во војната против Иран.
„Аргентина е подготвена да ги продолжи билатералните преговори со Британија за изнаоѓање мирно и конечно решение за спорот за суверенитетот (на островите) кое ќе стави крај на посебната колонијална ситуација во која се наоѓаат“, порача министерот за надворешни работи Пабло Кирно.
Даунинг стрит објави дека извештајот за меморандумот на Пентагон не го променил ставот на Британија. „Жителите на Фолкландските Острови на референдум гласаа со огромно мнозинство за да останат прекуокеанска територија на Обединетото Кралство“, изјави портпарол на кабинетот на премиерот Кир Стармер.
Аргентина долго време претендира на суверенитет над Малвините и изврши инвазија врз архипелагот во 1982 година пред да биде поразена од Британија во кратка, но крвава војна.
Претседателот Хавиер Милеи пред две години изјави дека Аргентина не се откажува од суверенитетот врз островите, но не сакаа конфликт со Обединетото Кралство: „Тие можеби не сакаат да преговараат денес, но во иднина можеби ќе сакаат. Многу позиции се променија со текот на времето“.

извор

На Трамп на 1 мај му завршува законскиот рок за војната со Иран

25 април 2026

Доналд Трамп го продолжи прекинот на огнот со Иран на „неодредено време“, но на 1 мај завршува законскиот рок од 60 дена за воени операции без експлицитно овластување од Конгресот. Претседателот ќе мора до тогаш да ги повлече воените сили, освен ако не добие специјално одобрување од Претставничкиот дом и Сенатот.
Постои опција да добие дополнителни 30 дена, само ако писмено потврди дека е потребно време за безбедно повлекување на трупите, а не за продолжување на офанзивата.
Поранешните претседатели ја заобиколуваа законската одредба со други извори на овластувања. Трамп може да се повика на Овластувањата за употреба на воена сила (AUMF) за специфични цели, применети по нападите од 11 септември 2001 година за „војната против теророт“, во 2002 година за да се отстрани Садам Хусеин и во 2003 година да се одобри инвазијата на Ирак.
Трамп во првиот мандат во 2020 година го искористи AUMF за да го нареди атентатот врз иранскиот генерал Касем Сулејмани.
За време на воената кампања на во Либија во 2011 година, администрацијата на Барак Обама тврдеше дека не е потребно експлицитно овластување од Конгресот, бидејќи нема „активна размена на оган со непријателски сили“.
Бил Клинтон одобри неколку воени операции во Ирак и во Сомалија, а во март 1999 година без одобрение од Конгресот одобри воени дејства против тогашната Сојузна Република Југославија.

извор