Вести › Набрзинка

Нил Јанг го уцени Спотифај: Или јас или Џо Роган!

26 јануари 2022

Во отворено писмо до управата на Спотифај, Нил Јанг побара од платформата да биде остранет подкастот на Џо Роган.
„Можете да го имате него или мене. Не може двајцата“, напиша 76 годишниот музичар заканувајќи се дека ќе ја повлече целата своја музика од овој стриминг сервис.
Јанг му се има з'гнато на Роган затоа што верува дека шири лажни информации за вакцините.
За добивање на Роган, Спотифај плати 100 милиони долари. Го има убедливо најгледаниот подкаст на светот со просек од 11 милиони гледања по епизода и во моментов, само Супербоул има повеќе гледачи од него.
Да се чудиш што сè не носи тоа староста. А човекот ја има напишано оваа песна:

едит: Спотифај остана со Роган, Јанг ја повлече музиката

извор

Британија за две години примила повеќе мигранти отколку што има војници

29 септември 2026

Бројот на илегални мигранти кои пристигнале во Британија со мали чамци за време на овој мандат на лабуристичката влада сега е повисок од вкупниот број војници во земјата.
Пред една недела преку Ламанш пристигнала група од 781 мигрант – најголемата откако премиерот Енди Барнам го наследи Кир Стармер. Вкупниот број на мигранти што нелегално пристигнале по 4 јули 2024 година, кога лабуристите формираа влада, достигна 83.279. За споредба, Обединетото Кралство има 83.000 војници.
Во времето на претходните владите на конзервативците, пристигнале околу 128.000 нелегални мигранти.
„Мажи на военоспособна возраст масовно пристигнуваат во Британија. Илегалните преминувања преку Ламанш сега претставуваат голема политичка криза и се реална и непосредна закана за нашата национална безбедност“, предупреди Алп Мехмет, претседател на организацијата Migration Watch.

извор

Да беше Заев, тврдината ќе им ја дадеше

29 септември 2026

Бугарија и Грција постигнале договор за предавање на посмртните останки на цар Самуил, кои на 3 октомври официјално ќе ѝ бидат предадени на бугарската држава во Солун, соопшти бугарскиот премиер Румен Радев.
Ја имаме историската чест да го постигнеме тоа“, рече Радев, заблагодарувајќи му се на грчкиот премиер Кирјакос Мицотакис за неговата „државничка одговорност, политичка храброст и волја“ да се постигне договорот.
Радев ги повика граѓаните на 3 октомври во 12:30 часот да ги пречекаат посмртните останки на Самуил и да му оддадат почит на плоштадот „Кнез Александар I“, пред поранешниот Кнежевски дворец. Потоа останките ќе бидат пренесени во посебен саркофаг во црквата „Света Софија“.

извор