- „Етиопија е под ризик да биде балканизирана“, гласи наслов на колумна на Дојче Веле.
- Се работи за тоа што две години откако етиопскиот премиер Абиј Ахмед доби Нобелова награда за мир, неговата земја е заглавена во војна која се заканува да го дестабилизира целиот регион во децениите што следуваат.
- Ахмед беше номиниран поради неговиот мировен договор со Еритреја, договор кој на еритрејските војници на тацна им даде да вршат страшни злосторства против цивили.
- Поранешниот претседател на Хондурас, Хуан Орландо Ернандез, е ослободен од затвор во САД откако доби помилување од претседателот Доналд Трамп.
- Ернандез отслужуваше казна од 45 години затвор поради заговор за шверц на кокаин во САД и за поседување оружје. Беше обвинет дека во својот мандат од Хондурас направил нарко-држава и дека земал мито од озлогласениот нарко-бос Ел Чапо за да го штити неговиот картел Синалоа.
- Судијата Кевин Кастел во пресудата забележа дека Ернандез бил „дволичен политичар гладен за моќ, кој под маската на борба против дрогата им бил партнер на нарко-картелите“.
- Спроти претседателските избори во Хондурас во неделата Трамп отворено го поддржа кандидатот Насри Асфура од Националната партија на Ернандез. На граѓаните на Хондурас им вети поддршка од САД ако го изгласаат Афсура и санкции ако победи неговиот противкандидат Салвадор Насрала. Трката е неизвесна. По 57% преброени ливчиња Афсура имал предност од 515 гласа.
