Вести › Набрзинка

Наши на египетски листа организации поврзани со тероризам

11 ноември 2026

Организација од Македонија е меѓу 35 субјекти што Египет ги ставил на својата листа на терористички организации.
Според судската одлука од 10 ноември станува збор за Исламското младинско здружение (تجمع الشباب الإسلامي).
Ставањето на оваа листа од страна на Египет подразбира воведување финансиски санкции, замрзнување на имот и забрана за активности поврзани со египетски субјекти за период од 5 години.

На македонската агенција за национална безбедност (АНБ) која сака да се претстави како клучен борец против непожелни странски наративи (види: АНБ со мирис на УДБА), после оваа вест треба да ѝ се вергла оној стих на Звонко Богдан: „А ти о том појма немаш.“

извор

Киев го отфрли планот на Трамп за прекројување на Донбас

11 ноември 2026

Украинската делегација го отфрлила предлогот на САД за прекројување на границите на регионите Доњецк и Луханск за да се обезбеди основа за крај на војната.
Американските посредници Стив Виткоф и Џаред Кушнер предложија компромисно решение, според кое Украина би ги променила административните граници на териториите Доњецк и Луханск и да ги прилагоди на актуелната линија на фронтот.
Москва така би добила можност да објави дека ја исполнила својата цел да го контролира Донбас во целост, а Киев би ја задржал контролата врз преостанатите 5.000 квадратни километри од овие региони.
Пред да почнат разговорите во Абу Даби во вторникот, Трамп навести дека повоена Украина би имала „поинаков облик“. Американски претставници укажаа дека украински функционери во приватни разговори покажале флексибилност за територијалните отстапки.
По првиот ден од разговорите, украинскиот претседател Володимир Зеленски забележа дека тие биле „конструктивни и прилично суштински“.

извор

Студентската листа бара досиеја на вработени во РТС

11 ноември 2026

Преку вршителот на должноста главен и одговорен уредник на српскиот јавен сервис, Студенската листа која победи на изборите побарала досиеја на 50 вработени новинари и уредници во РТС.
ВД директорот Боривое Ускоковиќ ги информираше вработените и дека не треба директно да контактираат за изјава или гостување некого од избраните пратеници на листата туку за тоа прво преку меил мора да му се обратат на медиумскиот тим на листата.
Небојша Крстиќ (екс Идоли) кој се зачлени во СНС веднаш по изборниот пораз тврди дека на таа листа има презентерки кои читаат временска прогноза, уреднички на филмска програма и други - политички неспорни- кадри.
Член на управниот одбор на РТС поднесе жалба на ваквата најава за професионален линч, порача дека јавниот сервис не е изборен плен и побара веднаш да престанат заплашувањата на вработените во куќата.

извор