- Вредноста на акциите на Модерна се зголемија за 13% откако фармацевтскиот гигант објави дека веќе две години работи на развој на мРНК вакцина против хантавируси, во заеднички истражувања со Институтот за медицински истражувања на заразни болести на американската армија и со корејски Центар за иновации на вакцини.
- Хантавирусот предизвика загриженост низ светот откако на холандски крузер починаа тројца патници заразени со смртоносен сој, по што вирусот беше регистриран кај уште десетина луѓе.
- Светската здравствена организација тврди дека нема опасност од пандемија, бидејќи овој вирус, проширен од глодари, се пренесува од човек на човек само преку долг физички контакт.
- Истражувањето на Модерна е сè уште во претклиничка фаза и немало тестирања на луѓе. Компанијата вели дека нејзината мРНК технологија овозможува побрз одговор при пандемија во споредба со постарата технологија, за која обично се потребни месеци за да се развие вирус за вакцини.
- Многумина, сепак, потсетуваат на сличности со биомедицинските истражувања со коронавируси во лабораторијата во Вухан во периодот пред да избувне пандемијата на ковид-19.
- „Тие манипулираат со вирусот (биолошко оружје), ја прават вакцината (отровот), а потоа остваруваат профит затоа што под нивна контрола се огромно мнозинство од вашите избрани лидери. Тие го нарекуваат ова наука“, објави на Икс поранешната конгресменка Марџори Тејлор Грин.
- Од почетокот на примената на камерите, на 2 февруари 2026 година, во првите пет месеци е забележано намалување на бројот на загинати лица во сообраќајни незгоди за 40 проценти; 33 загинати лица, наспроти 55 во истиот период лани.
- „До 22 јуни 2026 година, преку системот се регистрирани над 120.000 сообраќајни прекршоци, од кои повеќе од 95 проценти се однесуваат на пречекорување на дозволената брзина“, информираше министерот за внатрешни работи, Панче Тошковски.
- До крајот на 2026 година се очекува проектот „Безбеден град“ да биде целосно имплементиран на територијата на државата, опфаќајќи ги поголемите градови и главните патни правци.
- Уште на некој во државава да му текне да ги обележи патиштата со прецизни и реални ограничувања на брзините, и да ги извади и замени небулозните знаци по кои еден километар на прав автопат после тунелот во Демир Капија уште брзината е ограничена на 80 км/ч (па и камери натопориле), или пак кога после долга полна линија конечно ќе дочекаш прекината линија ама истовремено и знак 40 км/ч, по што ти останува да се надеваш дека ќе начекаш некој на ролшуи, за да имаш нешто да да претицаш.
- Бројот на загинати во двата разорни последователни земјотреса во Венецуела (7,2 и 7,5 степени во интервал од само 39 секунди) оди кон 1.000, повредени има регистрирано речиси 4.000 но најзагрижувачки е огромниот број луѓе кои се водат како исчезнати.
- Огромен дел од нив се наоѓаат под урнатините а во случаи на вакви неволји, што повеќе време минува, толку помали се шансите да се најдат преживеани.
- За критичен период се сметаат 72 часа и во тек е трка со времето во која помагаат и екипи од разни земји кои пратија луѓе, пари и опрема во унесреќената земја.
- Најголеми штети се пријавени во државата Ла Гваира на карипскиот брег, но разурнувања има и во главниот град Каракас и други делови од земјата.
- За несреќата да биде поголема, денес удрил уште еден земјотрес од 4,9 рихтери.
