- Александар Митовски по втор пат е осуден на шест месеци затвор или две години условна казна за објавувањето на првата страница од записникот со кој се отвори аферата „Рекет“ од која произлегоа и кривични истраги и пресуди.
- Пресудата е донесена од истата судијка, Љубинка Башевска, која Апелациониот суд претходно ја врати на повторно одлучување поради суштински повреди на постапката.
- "До ден денес, Башевска не може како тоа јас сум ја направил службената тајна достапна на јавноста, ако во случајот јас сум јавноста. Логиката би налагала дека СЛУЖБЕНАТА ТАЈНА може да ја направи достапна на јавноста (на медиум, новинар) само СЛУЖБЕНИК кој има пристап до ваква класификација на документи“, вели Митовски.
- На прагот на прославата на 250-годишнината од формирањето на нацијата, се повеќе Американци не веруваат дека САД се најдобрата земја во светот и имаат песимистички ставови за иднината.
- Според анкета на Асошитетед прес и NORC, 30% од Американците сега веруваат дека низ светот има земји во кои подобро се живее отколку во САД. Ова е нагло зголемување од 26% во 2024 година и само 11% во 2017 година.
- Од друга страна, 25% од испитаниците рекле дека САД се подобри од сите други земји во светот, а за 44% САД се меѓу најдобрите земји заедно со другите.
- Едвај една третина се убедени дека денес во нивната земја функционира Американскиот сон: „Ако работиш напорно – ќе напредуваш“. 15% велат дека тој никогаш не постоел.
- За најголеми проблеми со кои се соочуваат, Американците ги истакнале зголемените трошоци за домување, економската нестабилност и намалената доверба во институциите.
- Словенците со сопствени обновливи извори на струја од јули ќе може да го споделуваат вишокот генерирана енергија за да им ги намалат месечните сметки на роднини и пријатели низ целата земја.
- Преку системот „Мој електро“ ќе може да договараат споделувања на вишок генерирана струја со еден или повеќе потрошувачи и да го определат количеството.
- Потрошувачите не мора да живеат во истиот град, па дури ни во регионот. На пример, родителите во дом со соларни панели во Марибор ќе можат да им го префрлаат вишокот струја на своите деца што студираат во Љубљана и да им ги намалат сметките.
- Струјата физички нема да патува низ мрежата, туку ќе се бележи административно и ќе се одразува исклучиво на сметката на примателот, во интервали на фактурирање на секои 15 минути.
- Освен ефектот на солидарност, цел на мерката е да ја балансира енергетската мрежа во периоди на големо производство на сончева енергија.
