- Александар Митовски по втор пат е осуден на шест месеци затвор или две години условна казна за објавувањето на првата страница од записникот со кој се отвори аферата „Рекет“ од која произлегоа и кривични истраги и пресуди.
- Пресудата е донесена од истата судијка, Љубинка Башевска, која Апелациониот суд претходно ја врати на повторно одлучување поради суштински повреди на постапката.
- "До ден денес, Башевска не може како тоа јас сум ја направил службената тајна достапна на јавноста, ако во случајот јас сум јавноста. Логиката би налагала дека СЛУЖБЕНАТА ТАЈНА може да ја направи достапна на јавноста (на медиум, новинар) само СЛУЖБЕНИК кој има пристап до ваква класификација на документи“, вели Митовски.
- Winamp и Deezer објавија дека подготвуваат нова генерација на лгендарниот плеер која ќе пристигне во првата половина на 2027 година.
- Ќе оди под брендот Winamp, со стриминг кој ќе го напојува Дизер. Винамп го задржува својот изглед и идентитет а Дизер ќе работи невидливо во позадина.
- Винамп беше генерички поим за .мп3 плеер (како пента, џип, пелистерка...) пред да издоминираат Јутјуб, Спотифај и слични.
- Денес тоа е еден од ретките софтвери кој е постар од поголемиот дел од публиката. Поради навика, инерција или носталгија, сè уште го користат околу 40 милиони луѓе во светот, без денар во маркетинг последниве десетина години.
- Платформата Truth Social на Доналд Трамп понуди нова услуга за привилегиран и ран пристап до објави на најактивните профили. Иако не е директно спомнат, се алудира на профилот на Трамп, кој има 13 милиони следбеници.
- Бизниси и лица што може да си дозволат да плаќаат 100.000 долари месечно за услугата Truth API ќе имаат „директен и лиценциран пристап во реално време на објавите на платформата“. Другите ќе имаат пристап до објавите со задоцнување.
- Критичарите тврдат дека услугата е очигледен пример за манипулација на пазарот и тргување со инсајдери. Трамп постојано преку Truth Social ги објавува своите најважни одлуки, особено оние што се поврзани со војната во Иран и со царините. Досега имало низа случаи на добивки од сомнителни трансакции на берзите и од облози направени непосредно пред претседателот да објави промени во политиката.
- Сенаторите Адам Шиф и Елизабет Ворен ја повикаа Комисијата за хартии од вредност да ја испита новата услуга и да истражи дали Truth Social го крши законот. „Се чини дека ова е скандалозна злоупотреба на функцијата на претседателот за негова лична корист што ги поткопува секојдневните инвеститори и интегритетот на нашите пазари, а воедно ги збогатува Волстрит и другите богати инсајдери“, напишаа сенаторите.
