- Во пожар изгоре големиот шатор поставен во Кран Монтана како импровизиран меморијален центар за жртвите од пожарот во ноќниот клуб „Ле Констелејшн“ на новогодишната прослава.
- Според оценка на пожарникарите, шаторот пламнал од запалените свеќи Огнот не бил намерно подметнат. Спасена е само книгата во која илјадници луѓе запишувале изрази на сочувство.
- Во пожарот во ноќниот клуб на новогодишната прослава загинаа 41 лице, а 116 беа повредени. Најмалку една половина од жртвите се малолетници.
- Задутре пред суд треба да бидат сослушани сопствениците на ноќниот клуб, Жак и Џесика Морети, кои се обвинети за ненамерно предизвикување пожар, убиства и телесни повреди.
- Под кривична истрага се и шефовите за јавната и противпожарната безбедност на Кран Монтана, откако беше утврдено дека во барот од 2019 година не биле спроведени задолжителните годишни инспекции.
- Ноам Чомски и неговата сопруга Валерија на долго и широко јавно се извинија за нивните контакти со Џефри Епстин кои продолжиле и откако тој во 2008-ма година беше осуден за поттикнување малолетничка проституција.
- Направиле „трагична грешка“ и биле „невнимателни“ што недоволно ја испитале позадината на нивниот пријател со што отвориле врата за „тројански коњ.“ А биле и манипулирани од него (оти деца).
- Објавените фајлови откриваат дека денес 97 годишниот лингвист и филозоф на кого често се гледаше како на „морална вертикала“, му давал на Епстин медиумски совети као да се справи со медиумските напади врз него откако беше осуден.
- Притоа, таквите напади во меил до него ги оцени како „хистерични“ и го советуваше да ги игнорира освен ако не е директно прозван.
- На една покана на Епстин тој и сопругата да го посетат, стариот му пишува дека Валерија го обожава Њујорк ама дека тој „фантазира за Карибите.“ Да, на Карибите се наоѓа озлогласениот остров на контроверзно замолчениот Епстин.
- Компанијата SpaceX на Илон Маск го префрла фокусот од населување на Марс кон изградба на „саморастечки град“ на Месечината.
- Маск забележа дека не се откажува од целта да изгради населба на Марс и дека тој проект би почнал за 5 до 7 години, но Месечината е приоритет за „обезбедување на иднината на цивилизацијата“.
- „Можеме да почнеме да градиме населба на Месечината за помалку од 10 години, додека за Марс се потребни повеќе од 20 години. До Марс може да се патува само кога планетите се порамнуваат на секои 26 месеци, а времето на патување е шест месеци. До Месечината можеме да лансираме ракети на секои 10 дена, со време на патување од два дена“, објасни Маск на Икс.
- Поимот „саморастечки град“, се толкува како населба што би била независна од доставување ресурси од Земјата, способна самата да произведува енергија, кислород, вода и храна, и да се шири со текот на времето.
- Маск имаше слична визија и за град на Марс – независен од залихи, но и од политичко влијание од Земјата. Колонизаторите на Марс би носеле сопствени одлуки преку директна демократија.
