Во школото каде што се случи масакр на деца од страна на нивен соученик, од министерството за здравство била пратена извесна докторка Ранка Радуловиќ за да им помогне да се справат со траумата од преживеаната трагедија.
Со знаење на директорката, доктор Радуловиќ ги внела децата во кабинет, „им пуштила народна музика и барала од нив да се поврзат со духовите и душите на своите мртви другарчиња“.
Слободан Негиќ, татко на убиено девојче во основното училиште Владислав Рибникар за оваа мрачна сеанса говореше во емисијата „Впечаток на неделата“, во гостување кое никого не остави рамнодушен.
Македонскиот сценарист и режисер со „привремена“ американска адреса, оваа есен накратко се враќа дома во (никогаш Северна!) Македонија. На претстојниот интернационален фестивал на филмската камера „Браќа Манаки“ кој ќе се одржи од 19-ти до 25-ти септември во Битола, Дарко Митревски ќе гостува како предавач.
Ќе сподели дел од неговите досегашни професионални искуства и неколку сценаристички „рецепти“ за помладите колеги. Мастеркласот „Како да НЕ снимите здодевен филм?“ е замислен како презентација на низа раскажувачки техники со кои писателите го држат вниманието на публиката уште од времињата на античката драма, па сè до - до скоро - возбудливиот Холивуд.
Митревски е познат како автор на филмовите Балканкан и Трето полувреме а беше и ко-автор на легендарните тв серии „Досие Скопје“ и „Уа Шнајдери“ (која ја имаме на сајт).
Светската програма за храна (WFP) предупреди дека е принудена да го преполови обемот на својата помош за Палестинците на окупираниот Западен Брег и Газа поради проблеми со финансирањето, особено откако САД ги намалија хуманитарните донации.
WFP соопшти дека ѝ се потребни дополнителни 386 милиони долари во текот на следните шест месеци за да им служи на околу 2 милиони загрозени луѓе на палестинските територии.
На Западниот брег, агенцијата на Обединетите нации е принудена да ја намали помошта од 400.000 на 200.000 луѓе. „Од овој месец ќе биде намалена помошта во форма на готовина, ваучери, храна, програми за обезбедување егзистенција и нутриционистички услуги“, соопшти WFP.
Од јули, за 40% е намалена паричната помош за околу 375.000 луѓе во Газа, каде што WFP обезбедува поддршка за 1,5 милиони луѓе, вклучително и храна за 1 милион.
„Ситуацијата во Газа е подобрена во споредба со минатата година, кога во делови од палестинската територија беше прогласен глад“, истакна IPC - водечката светска институција за следење на несигурноста во снабдувањето со храна, но предупреди дека „условите сè уште се на ниво на криза“.
