Вести › Набрзинка

Груевски: Во отсуство на проекти, власта сервира затворски казни

10 јуни 2022

Дури и обвинителот не криеше дека нема докази и цело време употребуваше зборови од типот дека нешто било “симптоматично”.
Цената по која ВМРО-ДПМНЕ го продала вишокот простор е нешто над 3.400 евра од квадрат, во време кога на улица Македонија веќе се беа продале деловни простори по околу 4000 илјади евра квадрат.
Медиумите блиски до СДСМ тврдеа дека ВМРО-ДПМНЕ е најбогата партија во Европа и поседува имот од околу 60 милиони евра. Самото обвинителство во овој процес потврдува дека и централниот штаб и сите други купени 23-24 штаба не надминуваат вредност на имотот од околу 8 милиони евра (претпоставувам слично е и со имотот на СДСМ ако се процени неговата вредност по истата методологија).
Не посочуваат, ниту пак нудат докази дека некој конкретен проект за градба Бетон Скопје го добил со помош на ВМРО-ДПМНЕ. Нема такво нешто.
Сведочел и сопственикот на АД Бетон Минчо Јорданов, веројатно клучен сведок во постапката, кој своевремено беше и потпретседател на владата предводена од СДСМ, кој јасно и недвосмислено кажал во судницата, дека никој не му вршел никаков притисок или барање, дека се било регуларно.

извор

На повидок уште една афера со прислушување

2 септември 2025

„Јас лично, тогаш како претседател на најголемата опозициска партија, денеска како премиер заедно со новинари, медиуми, бизнисмени и јавни личности сме биле жртва на системот кој ги следел своите граѓани. Ова не е напад само врз мене, туку врз демократијата, врз правото на слобода, врз темелите на државата“, изјави Христијан Мицковски.
„Ќе потсетам дека на власт дојдоа со проект ‘Вистината за Македонија’. Седум години подоцна вистината е поинаква, грда, но и болна“ напиша директорот на СОЗР, Ивица Томовски.
Според него, ако сегашниот јавен обвинител Љупчо Коцевски бил одговорен за издавањето ПИ мерки од 2019 до 2024 година тогаш “станува јасно кој е одговорен за скандалот со прислушувањето новинари, медиуми и бизнисмени во АНБ“.
Поранешниот директор на Агенцијата за национална безбедност (АНБ), Виктор Димовски, негираше дека Мицковски бил предмет за следење и побара декласифицирање на сите документи поврзани со наводните злоупотреби.

п.с. Ако служби уште слушаат, може ли да нè потсетат, освен патлиџани сунѓерче за кујна, што уште нешто требаше да купиме денес на враќање од работа?

извор

Дежуловиќ: Ова не потсетува на 20-тите, ова СЕ 20-тите

1 септември 2025

„Дваесеттите години се само подготовка за она што доаѓа. А кога ќе дојдат триесеттите, ќе биде предоцна. Дека ова се случувало пред сто години може да го толкуваме како чиста досетка или како прецизно адресирано предупредување.
„Сто години слепило. Времето, политичките околности, односите и процесите, исто како луѓето и нивните реченици, се застрашувачки исти. Сите општи места на нашето секојдневие – пропадната Европа, изолационистичка Америка, мигранти, Евреи, Палестина, Крим, Украина и новата голема Русија, понижената Германија, технолошкиот напредок и пропаднатата работничка класа која ентузијастички го прифаќа фашизмот, воените ветерани и возбудената младина наредени во Фрајкорпс за да ја нападнат „дегенерираната уметност“ – сè е тука, во Вајмарска Германија, во денешна Вајмарска Америка, Вајмарска Европа или во малата, влажна Вајмарска Хрватска“, вели Борис Дежуловиќ во интервју за Лупига.
Има нова книга, се вика „Кој е тој човек?“.

извор