Вести › Набрзинка

Груевски: Во отсуство на проекти, власта сервира затворски казни

10 јуни 2022

Дури и обвинителот не криеше дека нема докази и цело време употребуваше зборови од типот дека нешто било “симптоматично”.
Цената по која ВМРО-ДПМНЕ го продала вишокот простор е нешто над 3.400 евра од квадрат, во време кога на улица Македонија веќе се беа продале деловни простори по околу 4000 илјади евра квадрат.
Медиумите блиски до СДСМ тврдеа дека ВМРО-ДПМНЕ е најбогата партија во Европа и поседува имот од околу 60 милиони евра. Самото обвинителство во овој процес потврдува дека и централниот штаб и сите други купени 23-24 штаба не надминуваат вредност на имотот од околу 8 милиони евра (претпоставувам слично е и со имотот на СДСМ ако се процени неговата вредност по истата методологија).
Не посочуваат, ниту пак нудат докази дека некој конкретен проект за градба Бетон Скопје го добил со помош на ВМРО-ДПМНЕ. Нема такво нешто.
Сведочел и сопственикот на АД Бетон Минчо Јорданов, веројатно клучен сведок во постапката, кој своевремено беше и потпретседател на владата предводена од СДСМ, кој јасно и недвосмислено кажал во судницата, дека никој не му вршел никаков притисок или барање, дека се било регуларно.

извор

Пропадна грант од милиони евра за пругата до Бугарија

30 јули 2026

Македонија остана без пристап до околу 60 милиони евра од програмата ИПА наменети за третата делница од железничкиот Коридор 8 кон Бугарија, затоа што во предвидениот рок не бил склучен договор за изградба на пругата.
За да продолжи да го реализира проектот, Владата до Собранието достави измени на законите за заемите од Европската банка за обнова и развој и од Европската инвестициска банка од по 175 милиони евра. Не се бара ново задолжување, туку се менува начинот на спроведување.
Според предложените измени, носител на проектот ќе биде ЈП Железници на Република Македонија, кое ќе ги спроведува тендерските постапки, ќе избира изведувачи и ќе склучува договори. Новиот тендер ќе ја опфати само изградбата на делницата од Крива Паланка до западниот портал на прекуграничниот тунел.
Министерството за финансии во 2023 година соопшти дека за завршување на последната делница од пругата до границата со Бугарија се обезбедени 560 милиони евра од Европската инвестициска банка, Европската банка за обнова и развој, од ЕУ преку ВБИФ грант и 60,77 милиони евра преку ИПА програмата.

извор

Австралија го обвини Telegram за промовирање тероризам

30 јули 2026

Австралискиот регулатор за интернет покрена правна постапка против платформата за пораки Telegram поради „пропусти во модерирањето објави што промовираат тероризам“, за што е предвидена парична казна до 54,6 милиони австралиски долари.
Комесарката Џули Инман Грант изјави дека од платформата не биле отстранети снимки од терористичките напади и масовните пукања во Крајстчрч во Нов Зеланд и Бафало во САД. Од евидентирани 12 објави со „протерористичка содржина“, вклучувајќи три со „терористичка содржина“, на платформата останале 10 и не биле суспендирани профилите на кои бил објавен материјалот.
Портпарол на Телеграм ги отфрла обвинувањата. Истакна дека само во текот на оваа година платформата лоцирала илјадници екстремистички корисници и групи.
Само еден ден претходно Москва објави меѓународна потерница по основачот и директорот на Telegram, Павел Дуров, обвинувајќи го дека неговата платформа олеснува терористички активности и напади врз Русија. И Франција води истрага против Telegram и Дуров.

Тој се умори од отфрлање на обвиненијата. Неколку часа по обвинението од Русија, ја смени својата профилна слика на Telegram со мимот од 2017 година, на кој е прикажан како исламистички терорист.

извор