- Според податоците на Европскиот информативен систем за шумски пожари (EFFIS), оваа година во Македонија изгореле над 94,000 хектари шума или 9,5 % од вкупната шумска површина.
- Тоа е бројка што речиси е еднаква на вкупните уништени шуми во последната декада.
- Заради пропустите и отсуството на одговорност, Левица бара да се спроведе независна истрага за да се утврдат одговорностите и да се осигура дека виновниците ќе одговараат, да се инвестира во модерна противпожарна опрема и обука, да се воспостави систем за рано предупредување и веднаш да се започне со процес на пошумување и обновување на засегнатите области.
- Договорот на Доналд Трамп со Владимир Путин за увоз на руски дизел се чини дека пропаѓа, откако два танкери скршнаа од курсот кон САД.
- Неколку недели пред изборите во САД, Трамп ненадејно ги укина санкциите за увоз на руски дизел за да ја спушти цената на горивото на пумпите.
- Американските резерви на дизел паднаа под 100 милиони барели првпат во последните две децении.
- Танкерот „Талисман“, кој е под санкции од САД, Британија и ЕУ, и „Леруо“, кој е под санкции од Британија, ЕУ и Канада, повеќе не го наведуваат атлантскиот брег на САД како своја дестинација. Првиот се упатил кон Средоземно Море и објавил сигнал дека чека наредба, а другиот скршнал кон Бразил.
- Во меѓувреме, трет танкер под санкции – „Бист“, плови кон САД откако на 27 октомври тргнал од руското пристаниште Приморск.
- Како можна причина за промената на курсот на танкерите, Фајненшл тајмс ја наведува неизвесноста дали ќе им биде дозволено да влезат во американските пристаништа поради легалноста на товарот.
