Вести › Набрзинка

Дојран пак остана без вода за празник

24 април 2022

Повисоките делови на Стар Дојран останаа без вода за Велигден.
Локалното комунално претпријатие ладнокрвно ги извести луѓето кои масовно дојдоа во Дојран за велигденските празници дека ќе немаат вода до вторник, ама дека ќе шета цистерна па ќе им точи вода ако треба.
Од коментарите на социјалните мрежи:

Катерина: Срамно е да барате разбирање и трпение од луѓе кои со години се соочуваат со истиот проблем и се лишени од вода. ВОДА во 21 век, во едно од најпознатите туристички места во Македонија. Срамота!

Ана- Марија: Да, секако, имаме трпение веќе 50 години, ќе се стрпиме уште малку, не е проблем...

Горан: Срамота.. Во секое Јавно претпријатие од овој тип има дежурна екипа која во најбрз можен рок го отстранува дефектот. А во Стар Дојран бидејќи е празник ќе се чека до вторник. Мој предлог е да го поврзето со 1.Мај, па потоа од втори мај работете на дефектот.

Зоран: Како тоа за секој празник или продолжен викенд се случува дефект? Нели е срамота 50 години истите лаги да ги повторувате и воопшто да не се потрудите да се реши проблемот со водоводната мрежа?

На претпразничното тв гостување во утринската емисија на Канал 5, актуелниот градоначалник восхитено зборуваше за експанзијата на Дојран, за тоа како тој станува сè поатрактивно место, за негово претставување на туристички саеми во странство....

извор

Никола Димитров и македонското искуство за „пократок пат до ЕУ“

18 октомври 2026

„Би сакал нашето искуство некому да му помогне да најдат пократок и подобар пат“, им порачува Никола Димитров на надлежните во Загреб и Подгорица кои се најдоа во клинч околу пристапувањето на Црна Гора во ЕУ.
„Знам колку е тешко да се постигне компромис што задира во најчувствителните прашања, а потоа и тој да се брани пред сопствените граѓани. Во истиот град – понекогаш дури и во истиот ден – за едни сте човекот што направил чудо (еве уште не можеме да се изначудиме -н.з.) зачувувајќи го она што е најважно – македонскиот идентитет – додека за други сте некој што отишол предалеку“.
Потписникот на Преспански успева да забележи дека откако ветувањата за во ЕУ се изјаловија, „луѓето почнуваат да се прашуваат дали направиле грешка што верувале во договорот“.

извор

Бездомник го навредил Ердоган за да преспие во затвор

17 октомври 2026

Бездомник од турскиот град Аланија пред суд признал дека намерно го навредил претседателот Реџеп Таип Ердоган, со цел да биде приведен и да добие храна и кревет во затвор.
„Немам каде да престојувам, спијам по депонии“, изјавил 66-годишниот маж на првото појавување пред суд. Признал и дека претходно три пати намерно го навредувал Ердоган, но не го задржале во притвор.
Според Членот 299 од Кривичниот законик на Турција, за навредување на претседателот е предвидена казна од една до четири години затвор.
Иако овој член постои со децении, неговата примена значително се зголеми откако Турција во 2018 година премина кон претседателски систем.
Во периодот од 2016 до крајот на 2025 година, обвинителите отвориле речиси 83.000 предмети за делата навредување на претседателот, знамето и државните симболи, турската нација и државните институции.

извор