Вести › Набрзинка

Чебрен треба да биде македонскиот обединувачки национален проект

12 октомври 2023

Државата преку ЕСМ треба да биде инвеститор, носител и раководител при изградбата и да управува со користењето на тој потенцијал во следните 60, 100 или повеќе години.
Објектот се гради во долг период од седум до осум години (а може и подолго). Инвестицијата на ниво од 600 до 700 милиони евра распределена во овој временски период по 100-120 милиони евра не е големо финансиско оптоварување на националниот буџет. Ниту ако се земе кредит, особено преку помош од ЕУ за зелена транзиција на Западен Балкан, кога дел може да биде и донација.
Вложените пари остануваат во најголем дел во Македонија. Се ангажираат максимално домашните организации од секторите градежништво, електрика, машинство, транспорт. Се зголемува бруто-продуктот, учесниците во изградбата се стекнуваат со дополнително специфично искуство и добиваат референца за настап надвор од Македонија, млад инженерски кадар ќе се стекне со непроценливо искуство па дел ќе останена место да се пресели во странство....

извор

Панчо Тошковски: Одговорноста овојпат ќе има име и презиме

16 март 2025

Има над 20-тина осомничени лица. Околу 15 лица се во полициска станица, дел од осомничените за предизвикување на трагедијата во кочанската дискотека се починати, дел се во болница.
Приведени се поранешен државен секретар на министерство за економија, поранешен/ сегашен раководител на еден сектор во рамки на министерство за економија, екс директор на дирекција и спасување и тројца вработени во дирекцијата.
Дискотеката во Кочани немала легална лиценца за работа.
Во дискотеката имало околу 500 а биле продадени 250 карти.
Во критична состојба се 22 лица, кажа министерот.

извор

Повеќе членови на ДНК загинале во пожарот во Кочани

16 март 2025

Андреј Ѓоргиески од дуото ДНК, им подлегнал на повредите од пожарот во Кочани. Имал тешки изгореници и се обидувал да им помогне на гостите кога избувнал пожарот кога и го загубил животот. Гo идентификувала сопругата.
Загинал и Филип Стевановски од Куманово. Беше продуцент, пијанист, тромбонист и композитор, магистар по џез науки, вработен како професор во штипскиот државен музички училишен центар и годинава назначен за директор на Центарот за култура во Штип.
Во несреќата загинал и тапанарот на ДНК, Ѓорѓи Ѓорѓиев од Струмица. “Ѓорѓи ќе биде запаметен како млад и надежен музичар кој својата страст за музиката ја споделуваше со сите околу себе. Секогаш позитивен, насмеан и мотивиран да создаде нешто убаво, тој беше инспирација за многу млади таленти“, пишуваат струмичани.
Загинала и Сара Пројковска, придружен вокал на ДНК. „Со длабока жалост и неверица ве известуваме дека нашата колешка, вонр.проф.м-р Сара Пројковска, го загуби животот во невидената трагедија во Кочани. Нашата Сара, полна со љубов, живот и музика, лавица и добрица...“ се простија од Факултетот за музичка уметност.
И фотографот Александар Ефремов, кој ги следеше Андреј и Панчо на скоро сите настапи низ државава, е меѓу загинатите во пожарот што се случи во дискотеката Пулс во Кочани. Млад, талентиран.
Панчо со изгореници на рацете и лицето е хоспитализиран и на кислородна поддршка.