Вести › Набрзинка

Чебрен треба да биде македонскиот обединувачки национален проект

12 октомври 2023

Државата преку ЕСМ треба да биде инвеститор, носител и раководител при изградбата и да управува со користењето на тој потенцијал во следните 60, 100 или повеќе години.
Објектот се гради во долг период од седум до осум години (а може и подолго). Инвестицијата на ниво од 600 до 700 милиони евра распределена во овој временски период по 100-120 милиони евра не е големо финансиско оптоварување на националниот буџет. Ниту ако се земе кредит, особено преку помош од ЕУ за зелена транзиција на Западен Балкан, кога дел може да биде и донација.
Вложените пари остануваат во најголем дел во Македонија. Се ангажираат максимално домашните организации од секторите градежништво, електрика, машинство, транспорт. Се зголемува бруто-продуктот, учесниците во изградбата се стекнуваат со дополнително специфично искуство и добиваат референца за настап надвор од Македонија, млад инженерски кадар ќе се стекне со непроценливо искуство па дел ќе останена место да се пресели во странство....

извор

Украина преговара во Женева за крај на војната

22 ноември 2025

Високи претставници на САД и на Украина утре во Женева ќе почнат разговори за планот на Трамп за крај на војната во Украина. На разговорите ќе учествуваат и претставници од ЕУ, Франција, Британија и Германија.
Почнуваме консултации за одредбите од идниот мировен договори, порача на Телеграм секретарот на украинскиот Совет за одбрана Рустем Умеров.
Главен преговарач ќе биде Андриј Јермак, шеф на кабинетот на Зеленски. Во делегацијата е и Кирило Буданов, шефот на воената разузнавачка служба.
Секретарот на Армијата на САД, Даниел Дрискол, веќе пристигнал во Женева. Утре ќе му се придружат државниот секретар Марко Рубио и специјалниот пратеник Стив Виткоф.
Европските лидери денеска испратија заедничка изјава во која го поздравуваат планот на Трамп како добра основа за крај на војната во Украина, но забележаа дека е неопходно „да се разработи“.

извор

Болсонаро спроведен во затвор

22 ноември 2025

Поранешниот бразилски претседател Жаир Болсонаро бил спроведен во федерален затвор поради стравувања дека планира да побегне од домашен притвор.

Симпатизери на Болсонаро оваа вечер организирале ноќно бдеење пред неговиот дом во Бразилија, за кое не добиле дозвола од властите.
Судијата Александре де Мораеш изјави дека е откриено нарушување на дигиталната алка, која Болсонаро мора да ја носи додека е во домашен притвор. Тоа е протолкувано како сигнал дека планира да избега.
Болсонаро во септември беше прогласен за виновен за планирање државен удар, откако ги изгуби претседателските избори во 2022 година. Му беше изречена казна од 27 години затвор, но беше дозволено да остане во домашен притвор додека не го исцрпи правото на жалби.

извор