Вести › Набрзинка

Боцевски: Прекинете ги сите преговори со Бугарија

23 септември 2021

Преспанскиот договор - откажувањето од националното име, од сопствениот народ што со векови живее во Егејска Македонија, бришењето на актите на АСНОМ од основачките документи на македонската држава - е извор за сите зла со кои сега Македонија се соочува.
Преспанскиот договор беше прочитан од Бугарите како урнек за „повторна бугаризација“ на Македонија.
Кај дел од македонската јавност сè уште има надеж дека постои некаков систем во ова лудило, па дека сите овие вратоломии, национални понижувања и државни предавства на крајот ќе имаат среќен крај со влезот во Европската Унија, кога Македонија ќе се повика на вредностите, па ќе си се врати на вистинскиот колосек. Овој заблуден сегмент од македонските граѓани го одржува Заев на власт.

извор

Условна осуда за тројца полицајци за дискотеката „Пулс“

5 мај 2026

Кире Богатинов, Горан Лазаров и Александар Темелков ја злоупотребиле службената положба за дискотеката „Пулс“ и добија една или по две години условни казни затвор.
Судијката Петровска рече дека полицајците од октомври 2023 до февруари 2024 година пишувале записници за прекршоци, за пропуштање малолетници, но во нив внесувале неточни податоци.
Наместо за активната фирма, ММММ Кафе ДООЕЛ од Кочани и одговорното лице Митко Стојанов, прекршокот го внесувале на фирмата „Класик ДМ ДООЕЛ“ од Кочани.
„Формата била запазена, но суштината изостанала“, истакна судијката.

извор

Сенаторите во САД нема да се кладат на политички настани

5 мај 2026

Сенаторите од двете партии во САД едногласно усвоија забрана да се кладат на новите платформи за обложување на политички и глобални настани, како Калши и Полимаркет. Слична мерка што се однесува на конгресмените е предложена и во Претставничкиот дом.
Целта е да се спречат злоупотреба на инсајдерски информации и потенцијален судир на интереси, како и да се отфрлат сомневањата дека пратениците лично профитираат од привилегиран пристап до доверливи податоци, изјави сенаторот Берни Морено кој ја водеше иницијативата.
Сомневањата се проширија откако анонимни лица оствариле добивки од милиони долари од сомнителни тргувања со акции и кладби поврзани со клучните изјави и одлуки на претседателот Доналд Трамп.
Во процедура е и законот SITA, кој ќе им забрани на конгресмени и на членови на нивни семејства да купуваат нови акции на берзи и ќе ги обврзе да ги најавуваат продажбите седум дена претходно, како и Законот ETHICS, со уште построги ограничувања за тргување со акции.

извор