Вести › Набрзинка

46 мртви во сообраќајка на македонски автобус во Бугарија (дополнувано)

23 ноември 2021

Во автобусот имало 52 лица. Меѓу 46-те загинати има и 12 малолетници, а останатите главно се млади лица на возраст од 20 до 30 години.
Автобусот се враќал од Истанбул. Во 21 часот влегол во Бугарија преку граничниот премин Капетан Андреево, а несреќата се случува некаде околу 3 часот наутро на автопатот од Софија кон Благоевград.
Како можна причина за сообраќајката се шпекулира со грешка на возачот или ненадејна техничка неисправност на автобусот.
Опожарениот автобус бил последен од колоната 4 автобуси кои се враќале од Истанбул.
Автобусот бил во сопственост на превозникот „Беса транс“
Според Османи најголемиот дел од жртвите се од Скопје.
Автобусот удрил со предната десна гума во сообраќаен знак, по што бил исфрлен 45 метри настрана, изјавил секретарот на регионалниот совет за безбедност, Васко Пиргов.
Пиргов: возачот најверојатно имал туби со дизел до предните седишта заради што дошло до експлозија и палење.
Роднини на загинатите и полиција пред канцеларијата на Беса транс.
Прогласена тридневна жалост за жртвите од сообраќајната несреќа.
МНР ги објави имињата на преживеаните патници.
Бугарски експерти: автобусот минал 350 километри за само 4 часа.

извор

Стивен Сигал добивал трофејно оружје од Доњецк

1 мај 2026

Украинската полиција објави листа на луѓе кои добивале трофејно оружје од Доњецк меѓу кои и актерот Стивен Сигал кој во 2016 година доби руско државјанство, во 2021 година стана член на руската патриотска партија „Само Русија“ а во август 2022 година ја посети источна Украина.
На листата на оние кои примале трофејно оружје од претседателот на тн. Доњецка Народна Република, Денис Пушилин, се и Сергеј Лавров, Ким Јонг Ун, Хафез ал-Асад, Дмитри Медведев, Рамзан Кадиров и други.
Украинската полиција смета дека тоа е оружје украдено од окупираната Украина.

извор

Охридското езеро прогласено за најубаво место во Европа

1 мај 2026

Масовно потценетото Охридско езеро штотуку е прогласено за најубаво место во Европа од страна на туристичките новинари на „Тајм аут“.
Го завикале „Комо кое можеш да си го приуштиш.“
„Додека италијанското езеро Комо привлекува и премиум посетители и толпи туристи, Охридското Езеро - едно од најстарите и најдлабоките езера во Европа - нуди потивка, поприфатлива алтернатива без да штеди на пејзажот. Замислете стаклено сина вода, планински пејзажи и крајбрежје испреплетено со историски градови кои се чувствуваат замрзнати во времето“, пишува Тајм Аут.
„Охрид е ѕвездата на шоуто со калдрмисани улици, стотици средновековни цркви (градот е познат по тоа што некогаш имал 365 цркви, по една за секој ден од годината) и теракота покриви што се излеваат кон водата. Тука можете да го поминете денот пливајќи и истражувајќи антички урнатини, а вечерта гледајќи го зајдисонцето како се спушта зад планините - сето тоа без неверојатните цени на Ломбардија“.
Топ десет листата на најубави места во Европа ја предводи Охридското езеро кое е подобро рангирано од места во Тоскана, Северна Ирска, норвешките фјордови, Лондон, Амстердам, Барселона....

1. Lake Ohrid, Macedonia
2. Saturnia Hot Springs, Tuscany, Italy
3. Giant’s Causeway, Northern Ireland
4. Alberobello, Apulia, Italy
5. Počitelj, Bosnia and Herzegovina
6. Norwegian Fjords, Norway
7. Kew Gardens, London, UK
8. Prinsengracht Canal, Amsterdam, Netherlands
9. Mosel Valley, Germany
10. Casa Batlló, Barcelona, Spain