Текстот во рубриката Стигнавме на дното е преземен без интервенции од порталот A1.
Ако забележите дека часовникот покажува 11:11 тоа значи дека е вистинско време да замислите желба. Во овој миг, моќта на вашата желба се преклопува со енергијата на четирите единици.
Некогаш луѓето верувале дека ако се појават четири единици – ангелот дошол на тоа место.
11- симбол на духовна чистота, чиста свест.
11:11 – двоен број со моќно влијание. Ако често ги забележувате овие броеви, тие навестуваат дека во вашиот живот работите ќе се средат токму онака како што од сѐ срце посакувате. Чисто, уредно, апсолутно идеално време за правење нови планови.
Исто така, оваа бројка може да се разгледа како клуч за отворање на потсвеста, нашето генетски кодирано сеќавање за тоа дека сме души, кои тука на Земјата имаат физичко искуство, а не физички суштества кои прибегнуваат кон духовни искуства.
Симболот 11:11 многу одамна бил кодиран во нашата клеточна меморија.
Човечката ДНК, нашето генетско сеќавање, кодирана е така што во одредено време и на одредена фреквенција го покренува механизмот на делување на нумеричкиот код.
Ако често го гледате 11:11, тоа значи дека сте го забележале својот нумерички код и вие во исто време сте активирале нешто во вашите ДНК кодови, по што таа бројка ќе почне постојано да ви се појавува пред очи се додека не ја добиете пораката дека е време да го средите животот и да тргнете понатаму.
