Тестенини со рукола

Порции

4 лица

Состојки

• 400гр. тестенини по желба
• Рендан пармезан
• Рукола за сервирање

Сос од рукола

• 150гр. рукола
• 3 лажици сецкан босилек
• 35гр. рендан пармезан
• 35гр. потпечени ореви
• 2 лажици печени бадеми
• 1 чешне лук
• 125мл. маслиново масло

Подготовка

Загрејте ја рерната на 200 степени. Во еден плех ставете ги оревите и бадемите и потпечете ги додека да добијат кафеава боја.
За да го приготвите сосот измешајте сецкани листови рукола, босилек, пармезан, потпечени ореви, бадеми и лук во еден сад. Смесата префрлете ја во блендер и мешајте. Додека работи блендерот постепено додавајте од маслиновото масло додека да добиете изедначена смеса. На крај зачинете со сол и бибер.
Сварете ги тестенините според упатството на ќесата во тенџере вода со малку сол на среден оган. Кога ќе се сварат процедете ги од водата.
Префрлете ги тестенините во длабок сад и прелијте ги со сост. Добро промешајте и послужете ги веднаш.
На здравје!