Време на подготовка:
15 мин.
Време на готвење:
30 мин.
Вкупно време:
45 мин.
Порции
12 лица
Состојки
- 80 гр. млечни карамели, ситно исецкани
- 200 гр. чоколадо за готвење, исецкано
- 125 гр. путер
- 200 гр. кафеав шеќер
- 3 јајца
- 100 гр. брашно
- 30 гр. какао
- 1/4 лажичка прашок за пециво
Прелив
- 80 гр. млечни карамели, ситно исецкани
- 100 гр. чоколадо за готвење, исецкано
- 60 мл. хопла
Подготовка
Загрејте ја рерната на 180 степени. Подгответе тавче за 12 мафини и обложете го со хартивчиња како за бомбици.
Растопете го на рингла на тивок оган чоколадото и путерот со постојано мешање. Тргнете го од рингла и додадете шеќер. Оставете ја смесата да одстои 2 минути па додадете ги јајцата едно по едно со постојано мешање за да добиете изедначена смеса. Додадете ги брашното, какаото и прашокот за пециво една по една лажица во чоколадниот крем и добро промешајте. На крај додадете ги исецканите карамели. Смесата распределете ја со лажица во тавчето за мафини. Печете ги 25 минути. Потоа оставете ги 5 минути да одстојат па извадете ги да се ладат.
Ставете ги карамелите, чоколадото и хоплата во длабок огноотпорен сад. Растопете ги на рингла со постојано мешање на слаб оган.
Одстранете ги хартиените држачи од колачите, поставете ги на чинија за сервирање и прелијте ги со подготвениот крем.
На здравје!
