Време на подготовка:
10 мин.
Време на готвење:
10 мин.
Вкупно време:
20 мин.
Порции
6 лица
Состојки
- 250 гр. чоколадо за готвење
- 250 гр. шлаг пена од ќеса
- 400 мл. хопла
- 2 лажици какао
Подготовка
Искршете го чоколадото на коцки и растопете го во тенџере на тивок оган. Потоа оставете го да се излади.
Во сад изматете ја шлаг пената според упатството на ќесата. Потоа во шлагот додадете ја хоплата и добро измешајте. На крај додадете го изладеното чоколадо и измешајте го кремот.
Поделете го кремот во 6 подлабоки модли. Оставете го да се излади во фрижидер 6 часа пред да го послужите.
Послужете го кремот декориран со шлаг и какао.
Пријатен апетит!
