Таа Лидија Велковска, колку што ние површно следиме тоа изборите на Мис, секоја година е поврзана со некои скандали. Од страна сето тоа изгледа килаво, траљаво, фушерски. И онда, пристоен човек ќе го батали сето тоа бидејќи е тотално Фуј, кога оно, ќа наиде на тотален Бљак!

Пред да се бави со она со кое сега се бави, Тино Кајшаров беше пејач и како таков се најде во една колумна во Трендоленд. Слеп каков што го дал Господ, авторот на колумната не беше бил свесен дека во случајов, пеењето е најмалиот можен проблем. Ако пишувањето за него и неговите два (сега е јасно, прекрасни!) спота некако придонело тој да ја напушти пејачката кариера и да се посвети на бркање на ѓаволот (каков е бре тој ѓавол што му се плаши на Кајшаров?), му се извинуваме и нему и на сите засегнати страни. Пеј ни Тино, сè ти е простено! Во спорната колумна беа спомнати уште двајца пејачи, еден Славиша и еден Брајан со ипсилон. Нема ваљда и они?

Песна на Џина Папас Џокси. Сцена: хаос! Петранка Костадинова шизи твист, Вики Среброва во астронаутско, Јонче мафта со 100 грама кафе. Уште не сте убедени? Eднаш кога ќе го пуштите, ќе сакате никогаш да не заврши.

Што и да пишеме за ова, колку и да се наругаме на оваа језа (ама стварно језа), знаеме дека откако ќе го изгледаат видеото, некои ќе помислат: "Кој би можел да ми даде контакт од дечково?" Ете, толку сме снеможени. Затоа, ведро да ви кажеме што нам најмногу ни пречи во овој егзорцистички хорор: тоа што видеото прекинува на најинтересното, кога таа легнатата треба да го исплука Лукавиот. Па не дознавме дали е тој повеќе на жолто или повеќе на зелено. Фак!