Знаете кога новата година започнува по грегоријански, кога по јулијански. По бурговијански, 2015-та може да почне. Тоа што е кокичето за пролетта, тоа е календарот на струмичкиот славеј за новите години. Овојпат, со многу џемсбондовски стил, трпеливо и професионално чека фотографите да го сликнат па да види што награда има освоено на MTV Movie Awards. Ќе забележите, во овој календар (а оригинал е), некои денови и месеци ги нема. Навидум невешт потег зад кој се крие еден суптилен филозофски став кон времето, животот и вредностите. Браво Бургов. Коста Бургов.

Му правиш "Control + z" на мозокот и остатокот новинарски функции си работат беспрекорно.

Вршат работа и "Калашњинков" и "Розо моја црвена", ама домашните пијанки некогаш знаат да имаат и андерграунд химни кои се пуштаат негде при крајот, кога баш ништо не е доволно глупо. Знаете, се враќате дома во никое време а од кај оние копиљаците од втори спрат се слушаат неидентификуван број машки гласови како бучат "Тури топла, тури топла....'

Заради немање електрична енергија, граѓаните на Мајданпек неколку дена смрзнуваа во своите домови и малото рударско градче се наоѓаше пред евакуација. Ќе го видите ресорниот министер за енергетика Александар Антиќ како пред камерите на долго и широко ја демонстрира сета своја загриженост за тие луѓе, сè додека природата не реши да му покаже дека мразот не е нешто што им се случува само на други луѓе. Ау, како кармата знаела прецизно да гаѓа!