Кој воопшто го есапи светот, кога фино си ја имаме Македонија. Нели е таа доволна да ги задоволи нашите дневни потреби од вести, минерали и олигоинформации? Кататонично концентрирани на самите себе, се однесуваме како како куче што сред улица посветено си ги треби болвите околу јајцата и нема блага идеја дека во тој момент кон него пичи Сканија, и тоа од големите.

Српскиот претседател деновиве имаше уште едно непријатно интервју на РТС. Тој човек не трпи непријатни прашања, не е навикнат некој да го прекинува со потпрашања (пошто Јована Јеремиќ го остава да зборува колку што сака), знае дека е на интервју а сепак гледа во камера и инсистира неговиот збор да е последен. Дури и кога новинарката ја одјави емисијата, тој имаше што да додаде.

Ако сите решиле да молчат, ЈАС нема. Еден татко е неправедно обвинет дека е вмешан во киднапирањето на своето дете, кое заврши со куршум во главата на своите 14 години. Да, Александар Ѓорчевски, таткото на убиената Вања Ѓорчевска е невин човек. Некој тоа МОРА јавно да го каже. Јас го кажувам.