Тоа што ние со онаа рубрика го правиме за документирање на медиумското невреме во кое живееме, Драган Вучиќ не сакајќи го прави за граѓанскиот материјал со кој сме опкружени. Кому не му е јасно дека такви медиуми плус таква публика секогаш ќе го даваат истиот резултат во кој денес се прпелкаме?

После многу години, случајно се среќаваат некогашните архи-непријатели од српската политичка сцена, Ненад Чанак и Воислав Шешељ. Едниов се изненадува што овој е на слобода а другиов што првиов е жив.

Кратко видео за целата бесмисленост на поделеноста која носи до војна. Босна, се среќаваат пријатели кои војуваат едни против други. Се разбира, претходно лидерите и придружната интелигенција ги убедија дека постојат две непомирливи страни и дека е крајно време да се пресметаат со 'тие другите'. Туга.  

Сме слушале ние разни музички таленти, но ова е вистинска, тоест буквална ПОП ѕвезда. Додуша, поп е одамна а ѕвезда допрва ќе стане. Заслужено.