Ако сите потпишале дека ова може да работи ко дискотека тогаш може да се самораспуштиме ко држава. Сепак, некој потпиша за автобусот дека беше исправен, некој потпиша дека модуларната беше безбедна. Некој оваа шупа ја има легализирано ко диско/ноќен клуб/кабаре.

Како се дозволило, како се дозволило??, упорно прашуваше една новинарка кога министерот Тошковски одговараше на прашања во врска со трагедијата во Кочани. Ќе се правиме на удрени па ќе се чудиме „како се дозволило.“

„Ќаци“ ги викаат овие што се против блокади на школувањето. Од едно погрешно напишан транспарент на кој наместо „ђаци“ (ученици) беше напишано „ћаци“.
 

Како на странци да им објасниш некои работи од овдешните јазици на Балканот? На пример македонското „бе“, српското „бре“ или грчкото „ре“. Никако бе, бре, ре. Тоа пробува да објасни човекот, Американец кој ја сфатил финтата. Се труди да биде прецизен, само што не сме сигурни дека ќе биде разбран од секого. 

14 март.
Ка тетовчанец, увек ка ќе го заглеам датумов, било која година да е, мене ќе ме потсети на почетокот на војната у 2001. Четвртооделенец у ОУ Гоце Делчев, на час, почнавмо да наслушнуемо рафали од к'ј Калето.

Во софискиот Зоолошки парк еднаш годишно прават стрес тест: симулираат ситуација во која некое опасно животно од кај нив избегало од своето живеалиште, за да проверат како нивните вработени реагираат на една таква ситуација. Овојпат, се работело за тигар. Да ја видите „симулацијата“. Некој од Бугарите ставил наслов „Ох, не мога повече.“ Баш.

Пулмологот Несторовиќ, популарноста од пандемијата, стекната со неортодоксни ставови, подоцна ја преточи во политички успех па стана фактор. Пошто рецептот за успех не се менува, нагазува уште појако. Ако некој тие денови имал главоболка, тоа е затоа што „по грешка биле избришани пет универзуми“ (?). Како што обично бива, пола луѓе ќе го сметаат за шалабајзер и преварант, а пола ќе викаат, и Тесла не го разбираа на времето.

Како бе да пројдеш онаму со количка???

За 15-ти март е закажан голем протест во Белград како крешендо на повеќемесечните студентски блокади иницирани од трагедијата со настрешницата во Нови Сад. Во меѓувреме страстите толку се зовриени а народот поларизиран што многумина стрепат дали тоа ќе помине без насилство и голем пичвајз. Ние многу од тоа први имаме видено: бои, црвени дланки, „ослободување на јавниот сервис“ (Стојанче, добар?), само без хуморот и луцидноста на Србите.