После само неполни две години службување на овие простори, високиот претставник во БиХ се побалканчи. Се развика на прес конференција и се закани: „Има бре сè да деблокирам!“ Во наредната прилика не ќе нè чуди ако после заканите додаде и: „Јебо матер сво-ју!“

Случајно налетавме на ова, заслушувајќи го Кустурица на еден овогодинешен летен форум. А и тој тоа го спомнува онака попатно, како логична придавка од грдото име кое Заев и Димитров ни го начукаа. И како мисли сега оној напуван Димитров, да бараме наоколу меил од Кусто па да му објаснуваме за придавката и што за неа вика Преспанскиот? 

Неколку видео парчиња од еден Јутјуб канал полн со оние кои понизната и понижена Македонија одбива, не сака и не смее да ги дефинира. Кои се овие суштества, на кој јазик пејат, какви се тие ора кои ги играат и кој им е тој Гоце кого не сакаат да го предадат?

"Соседните кралства Грција, Србија и Бугарија имено ја сакаа Македонија секој за себе. Бугарите, народ од азиско, а не од словенско потекло, сепак ја спроведуваа најжестоката пропаганда."

Ова своевремено сигурно на некои луѓе им изгледало како моќна и решителна порака. Само што времето знае да додава многу хумор во работите, особено кога ќе се покаже за какви мустри се работи. Па оној поздрав на крајот, па нема боље! Сега не би им упалил ни лажен цепелин, пошто не пали тоа сто пати.