Најбараниот стендап комичар во 2022 година му држи мала географска лекција на Јутјуберот МистерБист кој се одушевил од Александар Македонски ама не му е најјасно од каде е. „Италија?“ - „Не, Македонија“ - му објаснува Шулц - “која е посебна држава и не е дел од Грција“. Па ќе закуца: „Замислете, најпознатиот Грк воопшто не е Грк!“ 

На погреби се фаќа за душа наместо вас, се дига на две нозе, пали свеќа, обиколува слави, јаде месо сосе коски, се поздравува со газдата.... Додуша, цената му е малку висока, 1.200 евра. Овде бугарски кучиња за многу помалку пари се набавуваат, ама, тоа е друга приказна.

Откако бутна режим и го ослободи неговиот медиумски бастион МТВ кој денеска е симбол на слободното и бескомпромино новинарство, немирниот дух на генералот Стојанче најде нова битка за биење. Иако со двете нозе е на копно, на нишан на Стојанче овојпат е еден остров. Да го слушнеме описот на овој незгоден непријател кој може да се освои само - ако се искосиш.